Overberg Gems - The Little Farmhouse

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Papiesvlei-weg, Stanford, Overberg, 7210, Wes-Kaap
Vanaf R2 500 per nag (plek vir 6)

Beskrywing

The Little Farmhouse is in 'n rustige woudomgewing op ons plaas net 'n paar kilometer van Stanford af geleë. Dié versteekte skat het 'n plattelandse karakter met dik mure, donker balke en 'n groot kaggel binne.

Daar is 'n warmbad in die tuin wat bydra tot 'n lieflike ervaring. Die warmbad bied 'n romantiese atmosfeer vir paartjies of net lekker pret vir 'n gesin.

Die plaashuis het 3 slaapkamers. Die hoofslaapkamer is ingerig met 'n koningingrootte-dubbelbed en die ander 2 kamers het elk 2 enkelbeddens waarvan 1 in die solder geleë is. Daar is 2 en suite-badkamers by die onderste kamers. Die eerste badkamer het 'n bad, 'n toilet en 'n wasbak, en die ander het 'n stort, 'n toilet en 'n wasbak. Daar is 'n romantiese stort en bad met warm water in die woud.

Die kombuis is volledig vir selfsorg toegerus met 'n yskas, stoof, mikrogolf, broodrooster en 'n ketel.

Daar is 'n braai-area onder die bome waarvan jy en jou gesin of vriende gebruik kan maak en 'n egte plaasdam waarin jy kan afkoel.

Verken die woud en aanskou manjifieke sonsondergange voor die sterrehemel se prag deur die blaredak skitter. Bring die hele gesin saam en smul onder die sterre aan 'n maaltyd wat in 'n regte koolstoof of buite op die braai voorberei is. Die vriendelike mak donkies, Onkie en Penelope, kom kuier graag en is altyd op soek na 'n wortel of appel. Gaste is meer as welkom om hulle bergfietse en voetslaanskoene saam te bring om die roetes op die plaas en die omgewing te geniet.

Kry ’n Kwotasie