P5 House

Selfsorg

Kapasiteit: 6 persone
Alle ouderdomme is welkom
Inkloktyd: 16:00 tot 19:00
Uitkloktyd: 10:00
Adres: Kotze-straat 9, Langebaan, 7357, Wes-Kaap
Vanaf R3 382 per nag (plek vir 6)

Beskrywing

P5 House is 'n lieflike selfsorgvakansiehuis in die hartjie van Langebaan en is gerieflik naby die seiljagklub geleë. Dit is 'n ideale opsie vir 'n wegbreek aan die Weskus aangesien hierdie eiendom ook stapafstand van die strand af is.

Dié eiendom bied gerieflike slaapplek vir 6 gaste op 'n slag en beskik oor 3 slaapkamers, 3 badkamers en 'n gastetoilet. Die hoofsuite is ingerig met 'n koninggrootte-bed en beskik oor 'n en suite-badkamer met 'n stort. Die tweede slaapkamer het 'n koningingrootte-bed en die derde slaapkamer het 'n dubbelbed. Hierdie 2 kamers het elk hul eie badkamers wat albei met 'n stort toegerus is.

Die ruim oopplan-leefarea beskik oor 'n kombuis wat volledig toegerus is met 'n gasstoof, elektriese oond, mikrogolf, yskas-vrieskas, eetgerei en breekware asook 'n ontbyttoonbank met stoele. Vir gaste se gerief is 'n skottelgoedwasser, wasmasjien en tuimeldroër ook beskikbaar. Vanuit hierdie kombuis lei 'n etenstafel met oorgenoeg sitplek vir almal om hul etes saam te geniet. Die sitkamer het gemaklike sitplek en 'n platskerm-TV. Daar is 'n tweede TV-sitkamer bo. Toegang tot gratis WiFi is beskikbaar.

Buite is 'n bedekte houtdek met 'n buite-eettafel en 'n ingeboude braai wat 'n wonderlike plek is vir gaste om met 'n skemerkelkie te ontspan terwyl die vuur brand. Gaste kry veilige parkeerplek op die perseel.

Kry ’n Kwotasie