Very enjoyable, beautiful setting. Lovely place, neat and tidy.

Perfekte kuier kothuis. Ons het vreeslik lekker gebly. Alles was so mooi en netjies en beskikbaar, bo ons verwagting. Selfs ons 4-jarige kon lekker binne en buite gemaklik wees en speel. Ons gaan beslis weer van Pajama Donkie gebruikmaak en hopelik sommer langer kuier!

Aangename gashere met ekstras in die huis. Baie netjiese, pragtige plek. Met alles wat jy nodig het. Heerlik gebly.

Heerlike verblyf en vriendelike gasvrou. Wat 'n ongelooflike blyplekkie! Ons het baie lekker gebly by Pajama Donkie, sal vir seker weer hier 'n draai maak as ons in die omgewing is. Tannie Sarette gaan uit haar pad om jou welkom te laat voel, filterkoffie, melk en jogurt in die yskas en maak die kuier ekstra lekker!

Baie netjies en modern met alles wat jy verlang vir 'n lekker wegbreek. Die diens was puik! Met ons aankoms was daar lekkers vir die kinders en sjokolade vir die grootmense - jy moes die glimlaggies op kinders se gesigte gesien het! was vriendelik en baie behulpsaam. Ons het sommer met die aankoms op ons gemak gevoel. Die kothuis was baie gerieflik - alles was daar. Dit het tydens ons verblyf gereën, maar ons was snoesig en heel gelukkig om net na die reën te luister. Die bed was hemels!

Gerieflik en bederf. Baie dankie vir 'n ongelooflike kuier, baie lekker gebly en omgewing so mooi. Alles was van top gehalte, vanaf die aankoms tot die vertrek. Die detail in die plekke getuig van die fenomenale gasvrou. Die bederfies in elke vertrek en yskas, lekker koffie en fyn hand van 'n vrou het dit net in 'n ander klas gesit. Baie dankie.

Sielsrus met al die gerieflikhede van jou eie huis! Lieflike verblyf met pragtige uitsig en 'n rustige, stille omgewing met 'n uiters gerieflike ligging naby heerlike restaurante en mooi natuur-staproetes. The place was baie skoon en netjies met baie gemaklike beddens en genoeg warm komberse. Absoluut perfek!

Stil en mooi rustige omgewing. Baie lekker gebly. Die gasvrou het haar hand op die plekkie. Klein dingetjies soos 'n stewige haardroër en spieël op die regte plek. Ons het net oorgeslaap maar sal weer daar bly.