Palms Gastehuis

Selfsorg

Langtermynverblyf-aanbod 30% af

Kry 30% af vir verblyf wat 30 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 13 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Schoemanstraat 15, Hartswater, 8570, Noord-Kaap
Vanaf ~~R1 000~~ R700 per nag, vir 2 mense

Beskrywing

Palms Gastehuis is in Hartswater geleë en bied 5 gerieflike selfsorgeenhede met slaapplek vir 2 tot 4 gaste elk.

Elke eenheid het 'n standaarddubbelbed en sommige eenhede het ook 'n enkelbed en ekstra matras om 'n gesin van 4 te kan huisves. Wit beddegoed en handdoeke van 'n ligte kleur word voorsien. Elke eenheid het lugversorging en 'n kombuis of kombuisie wat met 'n ketel, mikrogolf, yskas, en stofie toegerus is. Elke eenheid het ook 'n TV met DStv se gastehuis-pakket, KykNet en gratis WiFi.

Sommige eenhede het 'n uitsig oor die swembad, en ander eenhede het tuin-uitsigte.

'n Ligte selfhelp-ontbyt met koffie, tee, melk, suiker, beskuit en 2 soorte ontbytgraankos is by die tarief ingesluit.

Daar is by elke eenheid braaigeriewe en veilige parkeerplek agter 'n elektriese hek. Die gastehuis word deur sekuriteitskameras wat aan 'n sekuriteitsmaatskappy gekoppel is beveilig. Daar is 'n kragopwekker wat outomaties aanskakel tydens kragonderbrekings en 'n boorgat voorsien water wanneer watervoorsiening sekere tye van die jaar onderbreek word.

Palms Gastehuis is in die middedorp geleë en is stapafstand vanaf verskeie winkels en restaurante. Dis 'n baie gewilde bestemming vir sakereisigers en gesinne wat Vaalharts vir troues, sport en familiegeleenthede besoek.

Kry ’n Kwotasie