Verblyf het aan my verwagtinge voldoen. Die Garden Cottage waarin ek gebly het, het aan al my verwagtinge voldoen en ek is baie vriendelik ontvang.

Puik diens en aandag tot detail. Die ensnares is so vriendelik en verwelkomend. Sy neem trots in haar werk en in haar perseel. Die plekkie is pragtig en netjies en ek sal dit beslis aanbeveel. Baie dankie vir u gasvryheid Alta!

Comfortable and safe environment. I had an enjoyable stay and was well hosted by Alta.

Wonderlike plek. Cobus en Alta is so vriendelik, goedhartig. Die tuin is baie mooi en die kamer was heerlik na 'n lang dag op die pad op pad na Gauteng. 'n Baie spesiale plek om te bly.

Pragtige tuin, vriendelike informatiewe gasheer, netjies en skoon. Baie goeie waarde vir geld op 'n sentrale plek.

Netjiese, goed toegeruste verblyf. Vriendelik ontvang. Net vir twee bespreek en dogter kon verniet bly! Stil area sonder enige motorgeraas. Goed toegeruste kombuis. Sal beslis weer hier kom bly en beveel sterk aan.

Alles was soos verwag, en was net reg vir ons doeleindes. Sien die sterre.

Rustige respyt aan die randjie van die Goudstad. Panhandle Place Cottages is vir 'n besoeker aan die woelige Goudstad 'n rustige respyt. Danksy die lang pypsteel, effense dippie en welige plantegroei is die stedelike gedreun en gejaag 'n halwe wêreld weg, maar tog gerieflik op jou drumpel. Persoonlike hoogtepunte was die pragtige tuin, goed toegeruste kombuis en gasvrou Alta se vlymskerp insig en kennis van die omgewing. Bonuspunt vir fantastiese waterdruk in 'n lekker warm stort! Panhandle Place Cottages word baie professioneel bestuur, wat 'n mak mezzo-middeljarige soos myself uitstekend pas, maar miskien nie ideaal is vir meer energieke en lewenslustige naguile nie. My selfoonnetwerk (Telkom) was piekfyn vir oproepe maar stadig vir data vanuit die kamer, hoewel dit normaal was in die oprit en by die hek wanneer nodig. Die geheelindruk was baie positief, en ek beveel Panhandle Place Cottages aan vir enigeen wat 'n rustige blyplek in die groot stad soek.

Gerieflik geleë vir ons doeleindes. Terwyl Alta tegemoetkomend was om ons later as 18:00 Donderdagaand te ontvang (laat gewerk en moes ver ry) was ons onkant gevang toe sy Sondagoggend gevra het dat ons of teen 9 uur die oggend moes uit of na 11 die oggend. Ons het reëlings gehad om ander mense om 10:30 te ontmoet, en kon dus nie wag vir 11 uur nie. In ons haas om teen 9 uur uit te wees, het ons belangrike items in die kamer vergeet. Alta moet dalk mense inlig dat ontruiming teen 9 uur moet plaasvind.