Par L'Eau

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Avocet-singel A36, Theseneiland, Knysna, 6570, Wes-Kaap
Vanaf R7 500 per nag (plek vir 8)

Beskrywing

Par L'Eau, geleë op 'n privaat kanaal in die gewilde Thesen-eiland, is 'n pragtig versierde selfsorgvakansie-eenheid wat 'n ideale opsie is vir 'n ontspanne vakansie saam met familie en vriende aangesien dit beskik oor 3 privaat balkonne wat lieflike uitsigte oor die kanaal bied. .

Dié dubbelverdieping-eenheid het slaapplek vir altesaam 8 gaste op 'n slag en beskik oor 4 slaapkamers en 4 badkamers. Die ruim hoofslaapkamer het direkte toegang tot 'n privaat balkon en is ingerig met 'n dubbelbed. Hierdie kamer het 'n ruim kasarea wat lei na die hoof en suite-badkamer met 'n stort en 'n bad. Die tweede slaapkamer het 2 enkelbeddens, terwyl die derde slaapkamer 'n dubbelbed het. Albei hierdie kamers het 'n en suite-badkamer met 'n stort. Die vierde slaapkamer is ingerig met 'n dubbelbed en maak gebruik van die vierde badkamer met 'n stort.

Die oopplan-leefarea beskik oor 'n kombuis wat volledig toegerus is met 'n gasstoof, elektriese oond, mikrogolf, yskas-vrieskas, eetgerei en breekware asook 'n sentrale ontbyt-eiland met stoele. 'n Skottelgoedwasser is beskikbaar in die aparte opwaskamer. Van die kombuis af lei 'n etenstafel met sitplek vir 8 en 'n knus sitkamer met gemaklike sitplek en 'n TV met 'n volledige verskeidenheid DStv-kanale. Toegang tot gratis WiFi is oral in die eenheid beskikbaar.

Deur die skuifdeure is daar 'n ruim houtdek met buitemeubels, 'n etenstafel, sonstoele en braaigeriewe. Die ligging van hierdie eenheid is stapafstand vanaf 'n privaat strand binne die landgoed. Gaste het ook volle toegang tot die landgoed se tennisbane, putt-putt-baan asook lieflike wandelpaaie langs die kanale. Vir diegene wat op die water wil gaan, is hulle welkom om hul eie bootjie of kajak saam te bring om te verken.

Kry ’n Kwotasie