Paters Nessie

Selfsorg

Kapasiteit: 2 persone
Geen kinders
Inkloktyd: 14:00 tot 18:00
Uitkloktyd: 11:00
Adres: Visvangerstraat 11, Paternoster, 7381, Wes-Kaap
Vanaf R1 000 per nag (plek vir 2)

Beskrywing

Paters Nessie is 'n lieflike solderstylwoonstel wat sonkrag gebruik in 'n baie stil deel van Paternoster. Die eenheid is ongeveer 200 m van die strand af en het nie 'n see-uitsig nie.

Dié solderwoonstel het 'n oopplan-uitleg met 'n slaaparea, 'n kombuisie en 'n sitarea. Die slaaparea is ingerig met 'n dubbelbed en die sitarea het 'n rusbank en 'n TV met al die DStv-kanale. WiFi word ook voorsien. Die kombuisie is toegerus met 'n oondjie, mikrogolf, ketel, breekware en eetgerei. Die en suite-badkamer beskik oor 'n stort, 'n wasbak en 'n toilet.

Die woonstel bied toegang tot 'n balkon met 'n ingeboude braaiplek en 'n patio-stel. Daar is veilige parkeerplek in die motorhuis beskikbaar. Troeteldiere word ongelukkig nie toegelaat nie.

Paternoster is 'n vissersdorpie aan die Weskus van Suid-Afrika wat 'n ryk kulturele ervaring bied.

Kry ’n Kwotasie