Waarde vir geld. Die verblyf by Pearl Haven was heerlik. Vanaf die navraag omtrent moontlike verblyf tot waar ons die totsiens gesê het, het alles seepglad verloop. Die huis was goed toegerus met alles en selfs meer as wat ons verwag het of nodig gehad het. Alles was skoon, heerlik ingerig, met meer as genoeg spasie vir 'n groep van 10 mense. Die kas met soveel glasopsies was regtig welkom en iets besonders. Ons kon nie vir enigiets meer vra nie. Die huis se see-uitsig en afstand het dit perfek gemaak. Ek kan die verblyf sonder enige twyfel aanbeveel en sal beslis weer daarvan gebruik maak.

Cozy, comfortable & completely relaxing. Pearl Haven is a cozy yet spacious property with great amenities. We were part of a group of family and friends that could socialize but still have our space if needed. The view is awesome and the sound of the waves breaking is great. I can highly recommend Pearl Haven for anyone wanting to get away for a couple of days and enjoy time with friends or family. The host is great and stayed in contact before and after our stay. Thank you so much for a great getaway.

Onvergeetlike kuier! Weereens heerlik gebly in Pearl Haven. Huis is goed ingerig, baie netjies, skoon en gerieflik en die uitsig oor die see is 'n bonus! Dankie vir baie vriendelike en goeie diens. Sien julle gou weer.

Heerlike kuier huis. Miskien net meer uitbrei oor hoe die badkamers uiteengesit is vir ander kamers wat moet deel.

Ruim, gerieflik, alles wat nodig was en meer vir 'n vakansie. Ons was 'n familiegroep van 9 mense. Daar was genoeg plek vir almal in die ruim en gemaklike huis.

Ruimte, uitsig, gerief, luuks! Heerlike kuier huis met baie ruimte! Uitsig en kuierstoep heerlik in enige weersomstandighede. Kamers netjies met alles wat nodig is.

Waar familie lekker kan saam bly en kuier. Die woning het genoeg spasie vir al die familie, genoeg sitplek vir almal en 'n braai-area waar almal lekker saam kan kuier. Kamers is groot en gemaklik met eie badkamers.

Heerlike wegbreek, kos vir die siel. Ligging is baie goed, mooiste see uitsig vanaf die stoep en kamers. Fasiliteite is skoon en netjies, huis goed toegerus. Ons het heerlik gekuier.

Prentjiemooi uitsig. Die huis is 'n juweel vir kuier en samesyn. Ons was 7 grootmense wat heerlik kon kuier in die groot leefareas met gerieflike kamers wat almal en suite-badkamers het. 'n Kombuis met al die nodige fasiliteite om dit 'n huis weg van die huis te maak. Selfs 'n batteryrugsteunstelsel vir wanneer daar "load shedding" is. Daar kan wel net beter indikasie wees van wanneer die load shedding wel plassvind en wanneer die huis vanaf die batteryrugsteunstelsel gebruikmaak. Die gasstoof was ook 'n bietjie van 'n probleem.

Fantastiese plek en alles wat jy nodig het. Alles was perfek, skoon en baie mooi.