Pebbles in Langezandt

Selfsorg

Soos Gesien op Facebook
Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Clionelle-straat, Struisbaai, 7285, Wes-Kaap
Vanaf R2 950 per nag (plek vir 8)

Beskrywing

Pebbles in Langezandt is 'n moderne visserskothuis in die prentjiemooi Langezandt Fisherman's Village in Struisbaai. Verblyf word in 'n selfsorghuis en 'n aparte woonstel met die oorspronklike visserskothuis-styl aangebied en daar is slaapplek vir 8 gaste. Die huis is 200 m vanaf die strand en bied 'n uitsig oor die tuin.

Die hoofslaapkamer het 'n koningingrootte-bed en 'n en suite-badkamer met 'n bad, stort, toilet en 'n wasbak. Die tweede slaapkamer het 2 enkelbeddens en die derde slaapkamer is in die huis se solder en het 2 enkelbeddens - dit is ideaal vir kinders. Die gastebadkamer het 'n stort, toilet en 'n wasbak.

Die kombuis en leefarea het 'n oopplan-uitleg. Daar is 'n stoof, oond, yskas-vrieskas, mikrogolf, skottelgoedwasser, eetgerei en breekware in die kombuis, asook 'n ontbyttafel. Die sitarea het 'n slim-TV, 'n kaggel en 'n rusbank waarop gaste voor die vuur kan opkrul. Die agterdeur lei na die binnehof, kothuis en kuierarea.

Die kothuis is apart van die huis en perfek vir tieners, grootouers of gaste wat 'n bietjie privaatheid soek. Die kothuis beskik oor 'n slaapkamer met 'n koningingrootte-bed en 'n en suite-badkamer met 'n stort.

Die tuin is omhein en dus veilig vir troeteldiere en kinders. Daar is 'n kuierarea met buitemeubels en braaigeriewe, en 'n warmwater-buitestort onder die sterre. Die tuin het pragtige laventelbossies en wit klippies, en daar is 'n ekstra wasbak waar ywerige hengelaars hulle vis kan skoonmaak.

Die motorhuis kan via die binnehof bereik word en bied parkeerplek vir 1 voertuig, maar daar is ook genoeg parkeerplek vir voertuie buite. Daar is 'n wasmasjien in die motorhuis.

Kry ’n Kwotasie