Pelindaba Rock Retreat

Selfsorg

Kapasiteit: 6 persone
Geen kinders
Inkloktyd: 14:00 tot 18:00
Uitkloktyd: 11:00
Adres: Pelindaba-weg 512, Kalkheuvelplaas, Broederstroom, 0216, Noordwes
Vanaf R3 000 per nag, vir 6 mense

Beskrywing

Pelindaba Rock Retreat is in die hartjie van Groter Hartbeespoort, 'n bekende oorddorp met boeiende uitsigte oor die Krokodilrivier, geleë. Hierdie verblyf is sowat 4 km vanaf die Leeu- en Safaripark en Lesedi Cultural Village, asook verskeie ander besienswaardighede.

Dié selfsorghuis is onafhanklik van die nasionale kragnetwerk, het slaapplek vir 6 gaste en bied verblyf in die hoofhuis en die kothuis wat elk uit Pelindaba Olifantrots-steen gebou is. Die verblyf het 'n inheemse tuin, swembad, ingeboude braaigeriewe en buitemeubels.

Die hoofhuis het slaapplek vir 4 gaste en beskik oor 2 slaapkamers. Die hoofslaapkamer het 'n koningingrootte-bed en 'n en suite-badkamer met 'n bad, stort en 'n toilet. Die tweede slaapkamer het 'n koningingrootte-bed en 'n badkamer oorkant die gang met 'n bad, stort en 'n toilet. Die leefarea beskik oor 'n kombuis wat met eetgerei, breekware, 'n gasstoof en 'n yskas-vrieskas toegerus is. Langs die kombuis is 'n etenstafel met sitplek vir 6 wat na 'n oopplan-sitarea met gemaklike sitplek lei.

Die rustieke kothuis spog met boeiende rotselement en bied slaapplek aan 2 gaste. Dit beskik oor 1 slaapkamer met 'n koningingrootte-bed en 'n en suite-badkamer met 'n stort, wasbak en 'n toilet.

Gaste het toegang tot 'n welige tuin vol plaaslike voëllewe en die nabye rivier. Gaste wat op soek is na avontuur het direkte toegang tot staproetes wat teen die berg opgaan en spog met 'n asemrowende uitsig oor Rhenosterkop en die Krokodilrivier en -vallei. Gaste kan by die lapa langs die swembad of by die privaat rivierlapa braai.

Pelindaba Rock Retreat bied die perfekte ontvlugting en is naby verskeie geriewe, soos winkels, restaurante, aktiwiteite, avontuurlike uitstappies, staproetes en wildreservate.

Kry ’n Kwotasie