Plottie

Selfsorg

Langtermynverblyf-aanbod 15% af

Kry 15% af vir verblyf wat 7 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 16:00 tot 23:00
Uitkloktyd: 10:00
Adres: Nerina-weg 10, Struisbaai, 7285, Wes-Kaap
Vanaf ~~R800~~ R680 per nag, vir 2 mense

Beskrywing

Plottie is 'n ruim vakansiehuis in Struisbaai wat selfsorgverblyf bied wat stapafstand van die skilderagtige hawe, strand en winkels af geleë is.

Plottie het twee aparte eenhede. Die hoofhuis en 'n eenslaapkamerwoonstel met 'n privaat ingang en agterplaas.

Die huis se hoofslaapkamer is ingerig met 'n koninggrootte-bed. Die tweede slaapkamer is ingerig met twee stapelbeddens. Die badkamer is toegerus met 'n stort, toilet en wasbak. Beddegoed word voorsien, maar gaste moet hul eie handdoeke saambring.

Die huis se leefarea en kombuis is oopplan en die kombuis is toegerus met 'n oond, mikrogolf, skottelgoedwasser, ketel, broodrooster, vollengte yskas, vollengte vrieskas en 'n groot kisvrieskas.

Die huis het 'n tweeplaatgasstoof as alternatief tydens beurtkrag. Die ligte in die hoofleefareas is aan 'n ononderbroke kragtoevoer (UPS) gekoppel en 'n draagbare herlaaibare lig word voorsien. Die huis het 'n TV met DStv en WiFi wat aan die UPS gekoppel is. Jy sal nie eens een sekonde van jou gunsteling sportsoorte of reekse mis nie! Die leefarea het 'n knus kaggel.

Die huis het 'n binnehof met 'n onderdakbraai-area. 'n Braairooster en eetgerei word voorsien.

Die woonstel se hoofslaapkamer is ingerig met 'n koninggrootte-bed en het 'n en suite-badkamer met 'n bad, stort, toilet en wasbak. Die woonstel het ook 'n stapelbed in die leefarea. Beddegoed word voorsien, maar gaste moet hul eie handdoeke saambring.

Die woonstel se leefarea en kombuis is oopplan en die kombuis is toegerus met 'n tweeplaatgasstoof, mikrogolfoond, ketel, broodrooster en yskas/vrieskas.

Die ligte in die woonstel sluit noodbeligting tydens beurtkrag in en 'n draagbare herlaaibare lig word voorsien. Die woonstel het 'n slim-TV en WiFi wat aan die UPS gekoppel is.

Die woonstel het 'n braai-area met skadu in die ruim agterplaas. 'n Braairooster en eetgerei word voorsien.

Parkeerplek is op die perseel beskikbaar.

Die verblyf is 4 km vanaf Kaap Agulhas geleë, wat die mees suidelike punt van die Afrika-kontinent is. Dit is ongeveer 250 m vanaf die strand, 750 m vanaf die hawe en 1300 m vanaf die winkels en hoofswemstrand.