Polka Dot Executive Suite

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Besemboslaan 32, Kemptonpark, 1619, Gauteng
Vanaf R950 per nag (plek vir 2)

Beskrywing

Polka Dot Executive Suite is 'n lieflike selfsorgwoonstel met 'n privaat ingang op die eienaar se perseel in Kemptonpark. Dit is ideaal vir sakereisigers en vakansiegangers wat op soek is na 'n gerieflike verblyf tussen vlugte of ideaal vir n reisiger wat moet oornag tussen dorpsbesoeke.

Baie tyd en aandag is gespandeer aan uitstaande gehalte en afwerking regdeur. Dalk gaan jy die ruim badkamer, met n gesellige tafel en stoele, meeste geniet of dalk gaan daardie luukse bed jou hart steel?

Kom besluit self.

Dié woonstel het slaapplek vir 2 gaste in 'n oopplan-kamer met 'n koninggrootte-bed en gaste kan hulle eie opslaanbed saambring vir hul baba. Die en suite-badkamer het 'n stort, wasbak en 'n toilet. Linne, handdoeke en toiletware word voorsien.

Die kombuisie is toegerus met 'n yskas-vrieskas, tweeplaatstoof induksiestoof, mikrogolfoond, eetgerei, breekware,
koffiemaakgeriewe en 'n kuier tafel met sitplek vir 2. Die leefarea het 'n lessenaar, gemaklike rusbank en 'n 55" TV. WiFi is beskikbaar. Daar is ook voorsiening gemaak vir n intieme geselshoekie vir 2 gaste.

Gaste het toegang tot braaigeriewe en veilige parkeerplek op die perseel. Hierdie verblyf is naby verskeie winkels en restaurante. O.R. Tambo Internasionale Lughawe is ongeveer 5,9 km ver.

Kry ’n Kwotasie