Eyrie House @ Porcupine Hills Guest Farm

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Van der Stel-pas 113/7, Botrivier, 7185, Wes-Kaap
Vanaf R4 200 per nag (plek vir 6)

Beskrywing

Eyrie House @ Porcupine Hills Guest Farm is 'n bekoorlike selfsorghuis op 'n werkende olyfplaas in die Overberg langs die pragtige Van der Stel-pas. Die Porcupine Hills Gasteplaas is ongeveer 32 km vanaf Grabouw en 20 km vanaf Botrivier.

Dié huis het slaapplek vir 6 gaste en beskik oor 3 en suite-slaapkamers wat lei na die wingerdbedekte stoep. Die hoofslaapkamer het 'n koninggrootte-bed wat in 2 enkelbeddens omskep kan word en 'n en suite-badkamer met 'n bad, wasbak en toilet. Die tweede slaapkamer het 'n koningingrootte-bed en 'n en suite-badkamer met 'n stort. Die derde slaapkamer het 'n koningingrootte-bed en 'n en suite-badkamer met 'n buitestort. Linne en handdoeke word voorsien.

Die kombuis is met 'n yskas-vrieskas, stoof, oond, mikrogolf, eetgerei, breekware en tee- en koffiemaakgeriewe toegerus. Dit lei na eetarea met sitplek vir 8 wat op sy beurt lei na die sitarea met gemaklike rusbanke en 'n kaggel. Daar is ook 'n platskerm-TV met sekere DStv-kanale.

Die leefarea lei na 'n lieflike stoeparea met buitemeubels, 'n piekniektafel en braaigeriewe. Die stoep bied 'n uitsig oor die tuin en op die berge. Verder het gaste toegang tot 'n swembad, 'n groot dek, en 'n privaat tuin.

Gaste het toegang tot verskeie aktiwiteite op die plaas, insluitend bergfietsry, swem, voëlkyk en 4x4-roetes.

Kry ’n Kwotasie