Netheid en veiligheid. Ons het lekker gebly en alles was naby om ons plekke te besoek. Ons beveel vir enige reisigers aan om Pringle Baai te besoek, dit is 'n ideale plek om te bly.

Rustig, presies wat ek nodig gehad het. Ja, baie rustig. Sal beslis weer daar tyd spandeer.

Ontspanne, rustig en verkwikkend. Die huis is lekker gemaklik met alles wat nodig is. Baie boeke en speletjies is beskikbaar om geniet te word, wat ons waardeer het. Die braai area is toegemaak met 'n houtkonstruksie wat mens veilig en in jou eie wêreld laat voel het, maar die wind kon heerlik deur waai en mens lekker afkoel in die hitte. Die enigste negatiewe is die matras op die dubbelbed wat hernu kan word vir 'n gerieflike nagrus. Ons honde het ook die kuier geniet en ons is bly ons kon hulle saambring en hulle is veilig. Hierdie sal ook heerlike verblyf wees in die winter en reën.

Goed ingerig, gerieflik, waarde vir geld, 10/10. Ons het dit baie geniet, dit was 'n plesier om daar te bly. Ons het oorblyplek vir een aand gesoek vir 'n funksie op die dorp. Vir die tarief het ek nie te veel verwag nie, maar tot ons verbasing was daar soveel wat hierdie spasie bied. 'n Privaat buite spasie, kamer én 'n afsonderlike ingerigte "self-catering" spasie. Ruim stort, eenvoudige detail soos 'n dubbelpunt prop. Ekstra luukshede soos 'n elektriese kombers. Ens. Ek vermoed ons sal weer daar draai!

Die kuier self was bietjie teleurstellend a.g.v. die weersomstandighede. Sydney het ons baie vriendelik verwelkom en ons op ons gemak laat voel. Dit is genoegsaam ingerig en net reg vir 'n bietjie 'Wegbreek'. Dit het nouwel nie 'n uitsig op die see nie, maar vergeleke met ander woonplekke moet dit opgeweeg word met die tarief wat werklik baie billik is. As ons weer in daardie rigting ry, sal ons heel waarskynlik weer hier inboek.

Pringle baai is werklik 'n onontdekte juweel, met 'n pragtige strand. Die netjiese kothuis het 100% voorsien in ons behoeftes. Ons gasheer en vrou was baie vriendelik en behulpsaam. Sal beslis weer daar wil tuisgaan.