Prospect Farm Cottages

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Plaas 218, Klyne Fontyn Plaas, George, 6530, Wes-Kaap
Vanaf R900 per nag (plek vir 4)

Beskrywing

Prospect Farm Cottages bied selfsorgverblyf aan die voet van die Outeniekwaberge in Geelhoutboom, George. Die verblyf is ideaal vir gaste wat uit die gewoel van die stad wil ontsnap en op soek is na 'n voëlkykparadys.

Verblyf is in 3 klip-selfsorgkothuise beskikbaar. Die twee grasdakkothuise het slaapplek vir 4 gaste elk en beskik oor 1 slaapkamer en 2 badkamers. Die slaapkamers het gemaklike beddens, gehaltelinne en badhanddoeke. Elke kothuis het 'n kombuis wat met 'n yskas, mikrogolf, tweeplaatstoof, oond en ketel toegerus is, asook 'n sitarea en 'n eetarea met 'n elektriese kaggel. Die kothuise het ook privaat braaigeriewe, TV's met alle DStv-kanale en onbeperkte WiFi.

Die dubbelverdiepingkothuis beskik oor 2 slaapkamers. Die hoofslaapkamer het 'n dubbelbed en 'n en suite-badkamer met 'n instapstort. Die tweede slaapkamer het 2 kinderbeddens. Die kothuis beskik oor 'n oopplan-kombuis wat met 'n tweeplaatgasstoof, ketel en 'n yskas toegerus is. Daar is ook 'n sit- en eetarea met 'n ingeboude pizza-oond en 'n braai. 'n Slim-TV met alle DStv-kanale en onbeperkte WiFi word voorsien.

Gaste het toegang tot 'n gemeenskaplike onderdak-lapa, 'n rotspoel en veilige onderdakparkeerplek. Daar is ook 'n speelarea vir kinders en welige groen grasperke waar kinders kan speel. Die plaas en omgewing bied 'n verskeidenheid aktiwiteite, insluitend veilige en privaat stap- en drafroetes in die woud en op die plaas, roeibootjies, bergfietsroetes, piekniekplekke, visvang, gholf en swemstrande. Gaste kan ook eenvoudig net ontspan en die rustige plaaslewe geniet.

Die verblyf het kragopwekkers en word daarom nie deur beurtkrag geraak nie. Dit is net 12 km vanaf Fancourt Gholflandgoed, 13 km vanaf George Lughawe, 22 km vanaf George se middestad en 22 km vanaf die naaste strande in Heroldsbaai en Glentana geleë.

Kry ’n Kwotasie