Pumula Bush Main House

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Mabalingwe Natuurreservaat, Bela-Bela, 0480, Limpopo
Vanaf R9 999 per nag (plek vir 8)

Beskrywing

Pumula Bush Main House is tussen die berge van die bekende Mabalingwe Natuurreservaat versteek. Dit is 'n lieflike toevlugsoord in die wilde prag van die bosveld. Die ruim en aanloklike huis bied selfsorgverblyf en is ideaal vir natuurliefhebbers en vakansiegangers op soek na 'n outentieke bosveldwegbreek.

Die huis beskik oor 4 slaapkamers, 3 badkamers en 'n aparte toilet. Daar is slaapplek vir 8 gaste. Die eerste en tweede slaapkamer het elk 'n koningingrootte-bed en 'n en suite-badkamer met 'n bad, stort, toilet en wasbak. Die derde en vierde slaapkamer het elk 2 enkelbeddens en gaste in hierdie slaapkamers deel 'n badkamer met 'n bad, stort, toilet en wasbak. Gehaltelinne en badhanddoeke wrod voorsien.

Die oopplan-leefarea en -kombuis is met 'n yskas-vrieskas, mikrogolf, oond, gasstoof, skottelgoedwasser, eetgerei, breekware en tee- en koffiemaakgeriewe toegerus. Die huis het ook 'n Nespresso-masjien maar gaste moet hul eie koffiekapsules saambring. Die ruim leefarea het 'n TV met DStv, lugversorging, 'n etenstafel, gemaklike sitplek en 'n glasskuifdeur wat lei na 'n onderdakbalkon met buitesitplek en ingeboude braaigeriewe met 'n uitsig oor die bosveld.

Gratis WiFi en veilige parkeerplek is beskikbaar. Die huis het ook 'n swembad met sonstoele. Gaste het toegang tot alle geriewe in die reservaat insluitend verhitte swembaddens, tennis- en muurbalbane, 'n dameskroeg, gelisensieerde restaurante, perdryritte, begeleide wildritte, 'n kinderspeelarea, 'n springkussing en minigholf.

Kry ’n Kwotasie