Was heerlik, rustig en veilig. Dit was bo verwagting. Ons is hartlik ontvang deur Sonja. Sy het ons alles gewys en verduidelik. Daar was 'n heerlike verwelkomingsgeskenk. Jy het letterlik net nodig om klere saam te neem. Daar is aan alles in die fynste detail gedink. Koffie, melk, suiker, toiletware, tot 'n 'sewing kit' vir 'n onverwagse los naat. En dan die heerlike beskuit vir die oggendkoffie op die stoep terwyl ons die volstruise en springbokkies dopgehou het. Die rustigheid op die plaas is onbeskryflik. Die 2 familiehonde is so vriendelik, en het ons in gewag met swaaiende sterte. Sal enige tyd weer daar tuisgaan as ons Oudtshoorn toe gaan.

Ons het laat daar gekom en is vroeg weer weg - so ons het dus net geslaap . Aangesien my man die Prince George fietsren gery het, was Pure Plaas vir ons 200% op die regte 'spot' - slegs 2 km van die weg spring. Ons het heerlik geslaap en is gasvry. Ons het sommer dadelik 'TUIS' gevoel toe ons daar kom.

Fantastiese plek vir 'n rustige naweek. Baie mooi, skoon en netjies.

Waarlik pure plaas @ Pure Plaas. Dit is net wat dit sê: "Pure plaas." Pragtige uitsig oor die Karoo-landskap. Springbokkamp reg voor die huis en volstruise aan jou linkerhand. Vriendelike gashere en goed toegeruste eenheid.

Rustig en stil. PurePlaas is werklik 'n rustige wegbreekplekkie. Ons het dit geniet en sal weer daar gaan bly.

Bakgat, rustig en salig. Baie baie lekker - die mense is gasvry. Alles wat mens benodig is daar, selfs braaihout. Was die hoogtepunt van al 7 plekke wat ons besoek het in Desember '23.

Verwelkomend en baie gerieflik. Johan en Sonja doen soveel moeite om jou tuis te laat voel. Hulle voorsien alles wat jy nodig het en al die klein 'attention to detail' was daar soos die sherry op 'n koue wintersdag en die bordjie heerlike eetgoed. Fasiliteite was skoon en baie gemaklik en die elektriese kombers was net reg vir 'n koue aand.

Ware Karoo-ervaring! Baie dankie Johan en Sonja vir 'n ware Karoo-ervaring. Die gasvryheid en liefde straal uit julle. Dankie vir al die geselsies en rondwys op die plaas. Nie eers te praat van die heerlike olywe en granate. Ons kom beslis weer kuier.

Asemrowend verby. Dis regtig soveel meer as wat ons verwag het. Dis 'n pragtige plek, met pragtige mense en die natuur om ons was so mooi. Wens ons kon langer bly, maar sal verseker enige tyd die plek eerste kies om weer by oor te slaap. Julle sal spyt wees as julle nie dit self ervaar nie. ️.

Lekker rustig en gemaklik oornag. Baie lekker rustig, veilig en gemaklik oornag. Alles wat nodig is, goed geleë om oor te slaap vir 'n "road" trip. Mooi skoon en netjies, en werklik "pure Plaas", mens voel sommer soos 'n ander mens.