Beskrywing

Red Door Cottage bied gerieflike selfsorg in 'n kothuis wat op die eienaar se perseel geleë is in die pragtige kusstreek van Wildernis en is ideaal vir gaste wat die welbekende Tuinroete wil verken.

Dié knus kothuis het slaapplek vir 2 gaste op 'n slag en beskik oor 'n slaapkamer wat met 'n koningingrootte-bed ingerig is. 'n Stort, wasbak en toilet is in die badkamer beskikbaar. Alle linne word voorsien, insluitend strandhanddoeke.

Die leefarea beskik oor 'n oopplan-ontwerp met 'n kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, skottelgoedwasser, eetgerei en breekware asook 'n sentrale 2-sitplek-eetkamertafel. Van die kombuis af lei 'n sitarea met gemaklike sitplek en 'n TV met Netflix. Toegang tot gratis WiFi is beskikbaar.

Die kothuis is verbonde aan die hoofhuis, maar het aangewese parkeerplek asook sy eie ingang. Dit is stapafstand van die strand af en omring deur bekende stap- en voëlkykroetes.

Die toegangsoprit is smal en steil en is nie geskik vir groot sleepwaens, bote of karavane nie.

Daar is troeteldiere op die perseel, 'n baie vriendelike hond en 'n kat en dit is heel moontlik dat hulle jou sal besoek tydens jou verblyf. Hierdie eiendom gebruik sonkrag sodat ontwrigtings tydens beurtkrag tot 'n minimum beperk word met Wi-Fi altyd beskikbaar
Neem asseblief kennis dat daar slegs parkeerplek vir een voertuig is