Reebok Akkommodasie

Selfsorg

Kapasiteit: 5 persone
4 volwassenes, 1 baba
Alle ouderdomme is welkom
Inkloktyd: 10:00 tot 20:00
Uitkloktyd: 10:00
Adres: 7 Fourie-laan, Reebok, Mosselbaai, 6500, Wes-Kaap
Vanaf R1 600 per nag (plek vir 5)

Beskrywing

Reebok Akkommodasie is ’n vakansie-woonstel naby die strand in Reebok. Dié klein dorpie is tussen Klein-Brakrivier en Groot-Brakrivier en is net ’n kort ent se ry vanaf Hartenbos, Mosselbaai, George en George Lughawe.

Dié tweeslaapkamer-eenheid is op die grondvloer van die eienaars se huis en bied slaapplek aan 4 gaste en 'n baba tussen 0 en 24 maande. Die hoofslaapkamer het ’n dubbelbed en die tweede slaapkamer het 2 enkelbeddens, asook babageriewe. Dit sluit 'n eetstoel, bababad, 'n bababed met 'n matras, asook 'n speelkampie in, wat geskik is vir 'n kind van tot +-24 maande. Die badkamer het ’n stort. Die eenheid het 2 staanwaaiers, haardroër, radio en 'n kluis.

Aangesien almal deur beurtkrag geaffekteer word, het die verblyf ’n kragopwekker aangeskaf.

Die oopplan-kombuis is met ’n yskas-vrieskas, stoof/oond, 'n mikrogolfoond en alle ander basiese toerusting toegerus. Ander geriewe sluit ’n platskerm-TV met onafhanklike DStv, asook 'n DVD-speler, braaigeriewe en veilige parkeerplek vir 2 voertuie op die perseel in. Gaste het ook toegang tot WiFi.

Linne en badhanddoeke word voorsien.

Besienswaardighede in die area sluit die Botlierskop Wildreservaat, Reebok-strand, Kleinbrak-strand, De Dekke Restaurant en ander restaurante, Oubaai-gholfbaan, asook ander gholfbane naby, en die Garden Route Casino in. Gaste kan ook gaan swem (die strand is stapafstand), stap, bergfietsry, kajakvaart, valskermsweef, visvang, helikopterritte en wynproe in die area. Gaste kan ook walvisse en dolfyne tussen Mei en Desember hier sien.

Kry ’n Kwotasie