On the 8th

Selfsorg

Kapasiteit: 8 persone
Alle ouderdomme is welkom
Inkloktyd: 16:00 tot 19:00
Uitkloktyd: 10:00
Adres: Flensborgrylaan 823, Langebaan Country Estate, Langebaan, 7357, Wes-Kaap
Vanaf R4 305 per nag (plek vir 8)

Beskrywing

On the 8th is 'n ruim selfsorghuis vir 8 gaste in Langebaan Country Estate. Daar is 'n speelpark aan die voorkant en 'n gholfbaan aan die agterterkant.

Die lieflike huis beskik oor 4 slaapkamers, 3 badkamers, 'n oopplan-kombuis, -eetarea en -sitarea en 'n braai-area. Die hoofslaapkamer het 'n ekstra lang koninggrootte-bed en 'n en suite-badkamer met 'n stort, bad en 'n toilet, sowel as 'n aantrekkamer. Daar is WiFi en 'n slim-TV, maar geen DStv nie. Daar is 'n omsetter wat tydens kragonderbrekings krag aan 'n paar ligte, die TV en die WiFi voorsien, asook ekstra ligte wat tydens kragonderbrekings aan bly.

Die tweede slaapkamer het 'n koningingrootte-bed en toegang tot 'n aparte badkamer met 'n stort en 'n toilet. Die derde slaapkamer het 'n dubbelbed en die vierde slaapkamer het 2 enkelbeddens. Gaste in hierdie slaapkamers deel 'n badkamer met 'n bad, stort en 'n toilet.

Die moderne oopplan-kombuis is met 'n gasstoof, elektriese oond, mikrogolfoond, yskas, eetgerei en breekware toegerus. Etes kan by die toonbank geniet word. 'n Skottelgoedwasser is ook beskikbaar.

Gaste kan in die sitarea voor die TV ontspan en dit lei na die toegeboude braai-area met 'n etenstafel vir 10 en 'n uitsig oor die gholfbaan.

Die landgoed het 'n gemeenskaplike swembad, 'n speelarea vir kinders, 'n gimnasium, 'n spa, 2 tennisbane, put-putbaan, 2 rolbalbane, sokkerveld, 2 doelnette, 'n vlugbalnet, rolbal, stap- en fietrypaaie, voëlkykgeleenthede en 2 restaurante.

Kry ’n Kwotasie