Fantasties, rustig en goed ingerigte verblyf! Ons het dit baie geniet. Ons het heerlik gebly en goed gerus. Die rustige waterbeweging, natuurskoon en natuurlik die dierelewe laat mens voel of jy in die bos is. Die wind was baie sterk by die riviermond, maar die huis is redelik goed beskut en was dit heel aangenaam. Die huis is baie goed ingerig en alles was fantasties gewees!

Fantastiese uitsig, rustig. Ongelooflike ervaring!

Baie lekker. Was baie lekker, maar ek het wel 'n paar gebreekte goed gekry.

Ons verblyf in Rendezvous was een groot plesier. Die huis is baie netjies en funksioneel ingerig en die uitsig iets om oor te droom. Ons het die ruim stoep ten volle benut (dit sluit die gasbraaier in). Die eienaar het alles moontlik gedoen om die plek mooi en veilig te hou. Ek kan Rendezvous met groot vrymoedigheid aanbeveel as 'n besondere plek om jou geestelike en emosionele "batterye" te kom laai. Baie dankie Gavin dat jy Rendezvous beskikbaar stel vir ander mense soos ons! Baie dankie vir 'n heerlike verblyf!

Gerieflike kuierhuis met besondere ligging. Ruim, gesellige huis met besondere kuierdekke in dig begroeide hange met 'n uitsig oor rivier.

Pragtig. Baie gerieflike huis. Baie mooi.

Dit was wonderlik gewees. Rustig met pragtige natuurskoon. Net wat jy nodig het om weg te kom van die gejaag van dit stad. Alles was perfek en pragtig. Partykeer het mens net die wegbreek nodig en stilte en natuurskoon. In die oggend word jy gegroet deur voëltjies en partykeer 'n apie of twee. Ek sal dit definitief aanbeveel vir enigiemand wat wil wegkom van die stad se gejaag.

Rustig, rustig, pragtig! Het baie lekker gebly, ruim stoep en lekker plekkie om te sit langs die rivier en voëltjies kyk. Beslis die beste plek om af te sluit van die buitewêreld.

Boesmans-kuier. Rendezvous is pragtig. Dekor keurig gekies. Heerlike stoep vir 'n kuiertjie met 'n wyntjie terwyl jy uitkyk oor die Boesmansrivier.

Awesome weekend. The place is very neat and comfortable. Very relaxing and a great view.