Rest at Leisure

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Eliesingel 135, Leisure Bay, Munster, 4278, KwaZulu-Natal
Vanaf R1 200 per nag (plek vir 6)

Beskrywing

Rest at Leisure is 'n selfsorghuis wat in Leisure Bay aan die KwaZulu-Natalse Suidkus geleë is. Perfek vir 'n gesin wat op soek is na gerieflike verblyf in 'n veilige en stil area, naby 'n verskeidenheid doendinge en geriewe. Dit is in 'n natuurbewaringsgebied geleë waar 'n verskeidenheid kleinwildspesies en voëls gesien kan word.

Neem asseblief kennis dat Rest at Leisure opsigter op die eiendom in die boonste eenheid woon. Slegs die onderste deel is te huur.

Dié vakansiehuis met slaapplek vir 6, grondvloer, bestaan uit 2 ruim slaapkamers en 1 badkamer asook 'n gastetoilet met 'n wasbak. Die hoofslaapkamer is toegerus met 'n koningingrootte-bed en die tweede slaapkamer is ingerig met 'n dubbelbed, 'n stapelbed en 'n driekwartbed. Elke kamer is ook toegerus met 'n plafonwaaier. Albei slaapkamers het skuifdeure wat na 'n braai-area lei.

Die ruim, volledig toegeruste kombuis is luuks met baie spasie. Dit het 2 yskaste, 'n 6-plaat gasstoof met oond en 'n mikrogolfoond. 'n Skottelgoedwasser, wasmasjien en tuimeldroër is ook beskikbaar. Die eetarea is oopplan en het 'n tafel met sitplek vir 6. Daar is 'n gemaklike sitarea met 'n TV wat DStv het. Dit lei na die onderdakbalkon met 'n tafel en stoele vir 6 mense.

Die eiendom is ten volle omhein en het elektriese heining reg rondom die huis en is verbind met reaksie sekuriteit. Gaste het toegang tot 'n swembad wat hulle op eie risiko kan geniet asook veilige parkeerplek vir tot 2 motors.

Daar is 2 braai-areas op die perseel; een in 'n boma-styl met 'n opelugbraai en sitarea terwyl die ander 'n onderdakbraai-area met 'n gedeeltelike see-uitsig is. Klein honde is welkom solank hulle vooraf bespreek is.

Rest at Leisure is 1,2 km se stap vanaf Peter Pan en Kidd's Beach, en net 'n kort entjie se ry vanaf 'n verskeidenheid doendinge en besienswaardighede soos winkelsentrums, gholfbane, die Wild Coast Casino en verskeie ander water- en landsportsoorte.

Kry ’n Kwotasie