Rest Collection Country Cottage

Selfsorg

Kapasiteit: 4 persone
Alle ouderdomme is welkom
Inkloktyd: 15:00 tot 21:00
Uitkloktyd: 10:00
Adres: Blaauwklippenweg, Paradyskloof, Stellenbosch, 7600, Wes-Kaap
Vanaf R3 750 per nag (plek vir 4)

Beskrywing

Rest Collection Country Cottage bied selfsorgverblyf op 'n boetiek Stellenbosch-wynplaas wat spesialiseer in die vervaardiging van vonkelwyne. Dit is privaat geleë tussen wingerde en 'n natuurlike bloekombos. Ontspan op die banke onder die reusagtige bome of sit by die vuur terwyl jy oor die Stellenboschberge kyk.

Dié 2-slaapkamer-eenheid het slaapplek vir tot 6 gaste. Die eerste slaapkamer het 'n koningingrootte-bed en die tweede slaapkamer het 2 enkelbeddens wat in 'n koninggrootte-bed omskep kan word. Boonop is daar 'n dubbelslaapbank in die leefarea wat 'n ekstra gas of 2 kan akkommodeer. Vars linne, handdoeke en badkamergeriewe word voorsien.

Die eenheid het 'n groot oopplan-eetarea en -leefarea asook 'n volledig toegeruste kombuis. Die leefarea beskik oor 'n TV met sekere DStv-kanale en 'n kaggel. Ander geriewe sluit gratis WiFi-internettoegang en 'n ingeboude iPad met 'n musiekbiblioteek op aanvraag in. Daar is ook 'n eerlikheidskroeg, waar ons vooraf 'n paar lekker wyne vir jou uit die omgewing uitgesoek het.

Die hele plaas is goed beveilig met afstandbeheerde toegang slegs vir inwoners en gaste.

Kry ’n Kwotasie