Restio View 11

Selfsorg

Soos Gesien op Facebook
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Restio-straat 11, Gordonsbaai, 7140, Wes-Kaap
Vanaf R6 700 per nag (plek vir 6)

Beskrywing

Restio View 11 is 'n pragtige vakansievilla in die prentjiemooi kusdorp Gordonsbaai en dit is die ideale opsie vir 'n wegbreek by die see. Die villa spog met 'n swembad en 'n manjifieke uitsig oor Valsbaai.

Die dubbelverdiepingvilla bied slaapplek aan 6 gaste en beskik oor 3 en suite-slaapkamers. Die hoofslaapkamer het 'n koninggrootte-bed, instapkas en 'n en suite-badkamer met 'n stort, bad, dubbelwasbak en 'n toilet. Die tweede slaapkamer het 2 enkelbeddens en die derde slaapkamer het 'n koninggrootte-bed. Elkeen van dié slaapkamers se en suite-badkamers het 'n stort, wasbak en 'n toilet. Alle linne en badhanddoeke word voorsien, maar gaste moet hul eie strandhanddoeke saambring.

Die ruim leefarea beskik oor 'n stylvolle kombuis wat met 'n stoof, oond, mikrogolfoond, yskas-vrieskas, koffiemasjien, eetgerei, breekware en 'n toonbank met stoele toegerus is. Daar is ook 'n skottelgoedwasser, wasmasjien en 'n tuimeldroër. Die kombuis lei na 'n etenstafel en 'n formele sitarea met 'n kaggel en 'n uitsig. Op die boonste verdieping is daar 'n tweede sitarea met gemaklike sitplek en 'n TV met Netflix. Gratis WiFi is beskikbaar.

Die leefarea op die onderste verdieping lei na 'n groot buite-area met sitplek, 'n ingeboude braai, sonstoele en 'n swembad.

Kry ’n Kwotasie