Rietrylaagte Accommodation and 4x4

Plaas vibes.

Netjiese, rustige plekkie. Net wat jy nodig het om te herlaai. Alles wat jy nodig het!

Verkwikkend.

Heerlik! Alles was skitter skoon en daar is baie aandag aan detail gegee.

Perfekte wegbreek uit die stad.

Gesin van 4 het in Kolgans gebly vir 2 nagte. Heerlike plaas-atmosfeer met perfekte balans tussen gerief en ongereptheid. Huis was skoon, uiters netjies en baie gemaklik met bederfies soos elektriese komberse op al die beddens, lugversorging en WiFi. Beddegoed was heerlik sag en die huis het als wat mens nodig het. Die blomme-prag sommer net agter die huis is sprokies-mooi. Gasvrou is net 'n WhatsApp weg, reageer vinnig en baie gehulpsaam. Dankie, ons kom kuier graag weer.

Heerlike plaas verblyf.

Baie gemaklike, skoon en ruim verblyf met 'n pragtige uitsig oor 'n deel van die plaas.

Goeie skoon en netjies bekosbare verblyf.

Ons was 'n gesin van 6 volwassenes. Ons was op 'n blomme kyk toer. Ons was aangenaam verras met die blomme wat reg rondom ons verblyf was. Alles was skoon en netjies, en gasvrou het uit hul pad gegaan om dinge so gemaklik moontlik te maak. Alles wat nodig is, is daar vir winter of somer kuier.

Perfekte halfpad stop oppad Kgalagadi toe. Sal dit weer gebruik.

Baie lekker gebly, alles was daar wat ons nodig gehad het.

Too short.

Cool but very short. Great location.

Lekker plaaslewe!

Ons het vir die 2de keer hier gebly, en sal beslis weer as ons in die omgewing is. Ons voel so tuis, die kinders geniet die plaas, die huisie het als wat jy nodig het en is netjies en skoon. Die toevoeging van WiFi (sedert ons vorige besoek) is baie gerieflik, dankie daarvoor. Dankie dat ons 'n stukkie van die plaaslewe kon deel. Wens ons kon langer bly!

Very lovely.

We had a lovely time - the addition of aircon was a wonderful surprise, particularly since it got very hot in the three days we were there. We could tell that much care and effort has gone into the cottage we stayed in. We were very comfortable and appreciated the hospitality!

Netjies, skoon, veilig en ons is uiters vriendelik ontvang.

Seker ons gunsteling plekkie op ons Namakwa Blomme toer wat die view aanbetref.

Was baie lekker, goeie waarde vir geld!

Was baie lekker, goeie waarde vir geld.

Absoluut fantasties.

Ons ry as 'n 4x4 groep vriende saam en soek afgeleë plekke op. Die verblyf is puik. Mense is vriendelik. 'n Besoek werd.

The cottage was perfect and had everything that one would need — even load shedding did not really bother us. Great value for money and the host is very kind and helpful.

We stayed here for 3 nights to explore the region of the West Coast and to view the Wold Spring Flowers. It was the perfect spot to get to the coat and into the Cederberg as well.

Die huisvesting is van die beste en die plaas is oortrek met blomme, te pragtig.

Ons is vriendelik ontvang deur Wendy. Die huisie is baie goed ontwerp met alles wat ons nodig gehad het. Daar is heerlike skerp beligting wat vir my 'n groot prioriteit in 'n oorbly plek is. Alles was pragig skoon en smaakvol en baie kunstig ontwerp. Ons kon sien dat die huisie met liefde beplan en gebou is. Die pragtige muur in skakerings wat pas by die meubels is asemrowend mooi en moes ure se werk gewees het. Daar is 'n heerlike braaiplek wat uitstekend trek en groot genoeg is om sommer as 'n kaggel te dien in dien nodig, en alles in die huis. Ek gaan beslis volgende jaar weer en sal die huis beslis aanbeveel. Baie dankie, Wendy en span.

Fantastiese waarde en ligging.

Goed geleë en maklik toegangklik.

Salig en rustig. Baie lekker gebly en blomme gaan kyk.

Voorstel: Gee dalk load shedding-area van ESP app sodat mens kan sien wanneer die krag af- en aangaan.

Volledig toegeruste praktiese, ruim verblyf.

Die huisie was silwerskoon en volledig toegerus. Ons gasvrou het ons baie vriendelik ontvang en ook sommer vertel waar ons op die plaas mooi blomme kon sien. Ons het heerlik gekuier op die stoep en ook voor die lieflike kaggel in die woonvertrek. Ons sou graag langer wou bly.

Rustig, skoon, alles wat mens nodig het, gasvryheid is uitstekend. Sal beslis weer van Rietrylaagte gebruik maak en sal almal aanbeveel om hulle te gebruik.

Uitstekende verblyf.

Baie lekker!

Ons het baie lekker gebly. Maklik ingeklok en alles wat ons nodig gehad het was beskikbaar. Lekker rond gery op die plaas en sommer net lekker rustig gebly! Sal vir seker weer gaan.

Rustige, kalm atmosfeer.

Die plek is goed ingerug met alles wat mens nodig het. Skoon en netjies met 'n lekker kagel en groot kombuis. Die natuurskoon en stilte is net wat ons nodig gehad het vir 'n wegbreek, ons sal beslis weer gaan.

Fantasties.

Ons het ongelooflik lekker gebly. Die stilte en natuur was 'n lekker wegbreek van die stad se gejaag. Die gasvrou is vriendelik en ons tuis laat voel. Sal beslis weer gaan kuier.

Gemaklike, rustige verblyf.

Huisie was skoon netjies en goed toegerus. Die omgewing is baie mooi en die 4X4 roetes baie lekker met 'n goeie balans tussen woes en maklik.

Lovely piece of heaven. Rustic farm style stay with quaint cottage.

Nice breakaway for small family.

Baie lekker gebly. Wendy is 'n top gasvrou.

Alles was perfek, dankie Wendy.

Ons het baie lekker gebly in die skoon huis. Dis jammer dat daar nie persoonlike kontak was nie. Ons wou graag meer inligting oor die boerdery hê.

Ons het net 1 nag oorgeslaap. Die verblyf het aan ons verwagtinge voldoen.

Fantasmagories

Baie lekker rustig en naby die natuur.

Uitstekende waarde vir geld, skoon en netjies.

Uitstekend vir oornag vir gesin van 4.

Eerlike plaasverblyf.

Ons het twee aande by Rietrylaagte gebly en veldblomme gekyk in die omliggende omgewing. Pragtige veldblomme op die plaas langs paaie wat met bergfiets/stap verken kan word. Wendy het ons op hoogte gehou oor bye wat onverwags in ons beplande eenheid nes gemaak het en 'n ander eenheid beskikbaar gemaak. Bring gebottelde drinkwater saam. Die kinders het die werkende plaas met bedagsame plaaswerkers, bokke en skape baie geniet.

Ontspan en geniet.

Lekker rustige plaas lewe.

Teleurgesteld.

Die beskrywing noem duidelik dat die instansie "maklik bereikbaar is met 'n gewone sedan". Wel, my gewone sedan se onderstel het op plekke erg deurgeskuur, en ek het met my vertrek ongelukkig vasgeval. Dié beskrywing is dus glad nie akkuraat nie. Verder was die kommunikasie swak, en ook nie akkuraat nie. Die bevestigingsepos het duidelik gesê om na die hoofhuis te gaan. Daar aangekom was niemand te vinde nie, en na 'n hele ruk en 'n oproep of 2 het die gasvrou uiteindelik te voorskyn gekom, en my ingelig dat sy besig was om te slaap, en dat die eenheid oop was en ek soontoe moes gaan (nie soos die epos gesê het om direk na die hoofhuis te gaan nie).

Aangename en rustige ervaring.

Beslis die 5 km-afdraai van die N7 werd. Die eenheid is baie netjies, toegerus met alles wat 'n mens moontlik kan nodig kry. Rustige plaasatmosfeer met 'n ongelooflike uitsig oor die lande.

Heerlike rustige omgewing.

Ligging en uitsig is pragtig. Dit was die 2de. keer dat ons hier oornag en net so die vorige keer, ons was nie teleurgestel met die huisie. Patrys is 'n baie mooi huisie!

Fantasties. Baie lekker gekuier. Die natuurskoon maak jou in 'n ontspanne bui.

Die plek is baie netjies en dit is goeie waarde vir geld. Dit is veilig en die bestuur baie gasvry, dankie.

Wonderlik, stil, mooi, rustig.

Patrys is so mooi, Jy het niks nodig nie, alles is daar vir jou. Die plekkie is perfek vir 'n mooi uitsig. Die eienaars was wonderlik en vriendelik. Ek sal dit voorstel as jy wil gaan rus.

'n Snoesige blyplek vir blommekyk.

Ons het lekker gebly! Dit was so effe ongemaklik aangesien die datums deurmekaar was. Die huis is ingerig vir selfsorg. Ek wil voorstel dat die meubels net bietjie geskuif word om voorsiening te maak dat 4 gaste die tafel binne kan gebruik vir etes.

Asoluut fantasties.

Heerlike akkommodasie. Mooi natuurskoon en rustig.

Lekker verblyf op plaas in mooi omgewing.

Ons het in die Patrys-huisie gebly. Gerieflik en skoon. Groot binne-braai/kaggel. Groot stort met lekker warm water. Kombuis toegerus met alles wat mens nodig het. Wendy reageer dadelik as mens haar kontak. Pragtige piekniekplek by mooiste rotsformasies en ver uitsigte. Jou voertuig moet 'n hoë grondvryhoogte hê as jy wil rondry op die plaas. Ons Toyota RAV kon basies oral ry. Rietrylaagte Accommodation and 4x4 is sentraal geleë as jy bv. wil gaan blommekyk.

Peaceful, beautiful view and friendly hosts.

This is the place to go to when you want to get away from a busy city life just to be in nature. Will definitely be going back.

Ons het baie lekker gekuier en die omgewing geniet.

Sal enige tyd weer kom.

Mooi uitsig, met buite- en binnebraai. Ruim.

Ons het baie lekker gebly! Die uitsig en buitebraai-area is ongelooflik! Baie ruim area buite die huis vir kinders om te speel, parkeerplek, ens. En daar was lekker baie hout soos versoek.

Ek sal weer teruggaan.

Ons was 2 susters wat net in die nag daar geslaap het (het 'n troue gehad naby Rietrylaagte). Ons was egter angsbevange, want daar was geen opvang vir bel, SMS, WhatsApp nie. Ons het wel die alarm paniekknoppie gehad. Ons het in Patrys gebly. Die huisie is pragtig versier binne en baie netjies en skoon, jou uitsig buite is asemrowend. Ons het besluit ons sal weer teruggaan, die keer met die res van die gesin, of saam met vriende. Die Trawal-omgewing is pragtig. Die grondpad is netjies en 'n gewone motor kan daar ry. Dankie Altus en Wendy dat julle so behulpsaam was.

Stylvol en netjies. Baie mooi plaashuisie.

Bevat nie net alles wat mens benodig nie, maar is ook mooi en stylvol opgemaak om mens spesiaal te laat voel, 'n stukkie luxury op die pad was 'n welkom verrassing.

Heerlik en ontspannend.

Het die rustigheid en stilheid van die omgewing geniet. Die aande was heerlik. Die gasvrou was baie hulpvaardig.

Baie aangenaam, sal aanbeveel aan familie en vriende. Verblyf was netjies en toeganklik.

Ons het die vars lug en stilte baie geniet. Grondpad is bietjie sleg op plekke as jy met 'n gewone tweetrekvoertuig reis, maar as jy stadig ry is dit heel veilig. Ons het die mooi uitsig geniet, asook die kyk van voëls en saans die sterre. Daar was 'n probleem met ons yskas, maar Wendy het dit gou uitgesorteer en was baie gasvry en vriendelik.

Relaxing.

Peace and quiet. Relaxing.

Skoon, netjies en rustig.

Patrys-eenheid was netjies en skoon. Dis het alles wat jy nodig het teen 'n bekostigbare prys. As jy wil ontsnap van die stad se gejaag, is dit net die regte plek. Vir die wat hou van stap en mooi rotsformasies, dan vertel die rotse teen die koppie oeroue stories.

Ons het 'n heerlike aand daar deurgebring. Ek het veral die stilte geniet.

Die plek is netjies en gerieflik. Ek vind dit wel vreemd dat ons alles self moes opruim, en 'n fooi vir skoonmaak moes betaal. Daardie fooi kan eerder by die verblyf ingesluit word. Die gasvrou is baie vriendelik en dit was werklik lekker.

Dit is waarde vir geld. Akkommodasie is baie gerieflik en bejaarde-vriendelik, my ma 88 en kon gemaklik rondbeweeg.

Ek wil net graag 'n voorstel maak dat die roeteaanduidings 'n bietjie beter aangedui word vanaf die N7. Geen melding word gemaak of jy op die regte pad is nie. Alles was verder uit die boonste rakke sal die plekkie weer besoek. Daar kan dalk ook net aangedui word waar mense blomme kan sien soos op die foto's wat verskaf word.

Skoon, netjies, rustigheid.

Baie mooi en netjiese verblyf, sal dit definitief kan aanbeveel.

Gerieflik en netjies.

Gerieflike verblyf. Netjies en skoon.

Heerlike plaasatmosfeer.

Wendy het ons vriendelik verwelkom en vertel waar ons moet loop en ry op die plaas om die pragtige blomme te bekyk. Wat ‘n fees! Die huisie was skoon, netjies en baie gerieflik. Dit was ysig koud, veral vir ons wat uit ‘n warm wêreld kom (Hoedspruit), so ons het vining ‘n heerlike kaggelvuur aan die gang gekry. Die stilte en mooi uitsig was ‘n genot. Ons hoop om Rietry weer te besoek iewers in die toekoms.

Vrede en blomparadys.

Net sulke mooi blomme op die plaas gesien as in die Biedouwvallei. Heerlik gestap, fietsgery en rondgery op die uitgestrekte plaas.

Gerieflike en veilige verblyf.

Ons kan Rietrylaagte regtig aanbeveel. Ons het in Patrys gebly en dit is skoon, netjies en het alles wat jy benodig. Dit is veilig en die kinders kon vrylik rondstap. Ons was bevoorreg om welkome reën hier te beleef en die binnebraai het ons lekker warm gehou! Die eenheid is gemaklik en stylvol toegerus. Lieflike uitsig van die stoep. Werklik goed vir die siel.

A little piece of heaven.

Though we only stayed overnight, we enjoyed the peace and quietness. It was everything and more we expected.

Pragtige omgewing, naby hoofpad.

Netjiese en skoon verblyf met als wat jy nodig het. Sal beslis weer wil kom maar langer wil kuier om die omgewing te kan geniet.

Mooi plaas-omgewing.

Ontvangs was bietjie deurmekaar. Die wind is nogal aanhoudend, maar dis daardie wêreld se ding. Vind die afsonderlike skoonmaakfooi vreemd al was ons vooraf daarvan vertel. Kan bietjie vrygewig met hout ook wees, veral in die winter. Baie behulpsaam met advies oor besoeke.

Verfrissend.

Veilige en rustige plek. Sal enige een aanbeveel om daar te bly. Gaan beslis terug.

Verblyf tydens blommekyk-besoek.

Netjiese en goed ingerigte verblyf, met 'n mooi uitsig. Net jammer dat ons gesukkel het om die gasvrou in die hande te kry toe 'n waterkrisis ontstaan het. Al die dokumentasie dui aan dat hulle nie op die plaas bly nie. Daar is nie selfoonsein nie, en nadat ons kilometers ver gery het om haar te bel, bly hulle toe maar sowat 30 m van ons verblyf af.

Thoroughly enjoyed our short stay, very welcoming host, everything supplied.

Loved the indoor fire, cosy and warm cottage, lovely being on a farm again. Wendy went out of her way to make sure all was in order. Thanks very much.

Mooi ligging, maar kommunikasie kan verbeter.

Ons het baie lekker gebly, maar kommunikasie vanaf Rietrylaagte was nie baie doeltreffend nie. Die huis was byvoorbeld met aankoms gesluit. Andersins het ons baie lekker oornag.

Goed ingerigte akkommodasie met ’n pragtige uitsig oor die laagte en heuwels.

Alles in die kothuis was aanwesig om die verblyf lekker te maak. Die binnebraai het heerlik gewerk.

Gemaklike verblyf, goed ingerig.

Ons het Rierylaagte as 'n basis gebruik om die Maskam omgewing to verken tydens die blomme tyd. Die hanslammers wat op die stoep kom kuier het het die kinders se dag gemaak! Die huisie het alles wat jy nodig om gemaklik te kuier.

Aangenaam verras.

Ons het in die kothuis gebly in Aug 2020. Ons verwagtinge was oortref met die huisie. Dit was baie mooi binne, en baie gesellig. Daar is ook 'n asemrowende uitsig. En dis goed afgesonder.

Rustig

Lekker rustig met mooi uitsig. Regte plek om af te skakel en te rus.

It was very peaceful and relaxing

I will definitely go there again with my family. It was good for the soul to be on the farm.

Netjiese, goedtoegeruste verblyf, pragtige natuurskoon, vars lug en plaas rustigheid - wat meer het 'n mens nodig.

Huisie is volledig toegerus en baie netjies. Vriendelike en gasvrye ontvangs. Pragtige natuurskoon en uitsig. Veilige omgewing en plaas rustigheid. Voorwaar 'n lafenis vir die siel!

Die mooiste omgewing, geen ander mense. Rus.

Heerlik gestap, voels gesien. Lekker om kombuistafel kaart gespeel. Op stoep gesit en oor landerye gestaar, genoeg hout om sommer net vuur te maaak.

Ek en my vrou het my ouers gevat om blomme te gaan kyk.

Rietrylaagte is uitstekende waarde vir geld. Ons gaan definitief weer daar oorbly.

Baie mooi en goed ingerig.

Vat net jou kos, klere en tandeborsel saam!

Peaceful.

Will definitely go there again. Just sort out the geyser, because we were struggling with it.

Gasvry en kos vir jou siel.

Ons het Rietrylaagte as oorslaap gebruik vir ons blommekyknaweek, en het baie meer gekry as waarvoor ons gehoop het. Die plek het als wat jy nodig het, netjies en baie gerieflik. Ons was baie spyt ons het net een aand geboek en gaan definitief weer boek en dan ook langer. Dit is heerlik om met jou koffie en beskuit die oggende op die stoep te sit en na die rustige omgewing voor jou te kyk. Dankie, Wendy, dat julle dit met ons deel en vir julle gasvryheid.

Great experience.

Great plek en akkommodasie.

Baie rustige plekkie ver van die teerpad.

Die plekkie is weg van die teerpad wat dit baie stil maak, en as jy wil sterre sien is dit beslis die plek vir jou!

Hemels

Dit het gevoel of ons is in 'n droom is, so mooi is die uitsig op die stoep. As jy gewonder het, die grondpad is geskik vir 'n normale voertuig. Moenie Google se directions volg nie anders eindig jy op die 4×4 roete. Perfekte wegbreekplek.

Heerlike stapgeleenthede en pragtige stukke veld. Huisie is baie gerieflik met alles wat nodig is.

Ek is nie seker dat die 4x4-roete meer gebruik word nie, behalwe deur baie hardebaarde.

Uitstekende waarde vir geld.

Karaktervol, gesellig en gerieflik, alles wat jy nodig het, hulpvaardige gasvrou, warm bed. Kan dit aanbeveel.

Fantastiese wegkomkans vir die gesin.

Wat 'n fantastiese naweek. Asemrowende plek en naby aan Trawal/Klawer. Asemrowende sterre en rus. Stil, veilig en baie netjiese huis. Ek sal dit enige tyd aanbeveel.

Dit is plaas, oop vlaktes om te verken, skoon lug en sterre!

As jy hou van rondstap, sommer net, gaan boek in by Patryshuis. As jy hou van veld en son, dan is jy by die regte plek. Dis die ideale plek vir my om weer grond te vat met die natuur.

Onvergeetlik rustig, netjies.

Wat 'n pragtige plek. Skoon netjies en gerieflik. Als wat jy nodig het is beskikbaar. Gasvrou het ons verwelkom. Nuwe beddegoed, skoon badkamer en pragtig.

Dit was eenvoudig 'n belewenis.

Plek se ooptes was verskriklik kalmerend op jou gemoed. Stilte en wind se gesuis in bome was soos 'n lafenis vir my dorre siel wat net gewoond is aan die gejaagdheid van elke dag. Jy voel soos 'n nuwe mens wat weer die lewe vierkantig in die oë kan kyk.

Baie netjies en rustig.

Wasgeriewe ontbreek as verblyf langer as 'n naweek is.

'n Juweel in die middel van nêrens.

As ek weer in daardie area is, bly ek net by 1 plek, Rietlaagte.

Lekker.

Dit was baie lekker en skoon.

Kalm.

Rietrylaagte is een van daai bestemmings waarna jy wil gaan as jy weg van die alledaagse gebuzz van die wêreld wil wees en bietjie detox van tegnologie. Dis net 'n hele lang ent om in te ry na die plaas en dis goed as jy 'n voertuig het wat hoog is of betreklik goed sand en klip roetes kan aandurf. Die Landscape is absoluut beeldskoon! 'n fotograaf se droom. Die staproetes is asemrowend en die wilde diertjies bly maar 'n wow factor. Insekte is 'n ander storie, lol, dit is die bos - so neem maar insekweerder en sitroen kerse vir buite. Dis 'n perfekte bestemming vir die omgewing entoesias. Selfoonopvangs is letterlik nul by die huis en sal jy 'n paar km moet loop vir opvangs. Detox van tegnologie. Maak jou oproepe en status updates by die hek klaar en geniet die res van die kuier! Ek en my familie het dit vreeslik challenging gevind, maar tog baie geniet. Dankie Wendy (gasvrou) vir 'n baie welkome ontvangs, kommunikasie en snelle hulp as ons enigiets nodig gehad het.

Huisvesting was uitstekend. Uitsig vanaf stoep was baie goed. Baie rustige omgewing. Aanwysings was duidelik.

As jy na 'n plek soek waar jy net rustigheid kan ervaar, is dit die plek. Die akkommodasie met bybehore en slaapplek was vyfster gehalte. Gekombineer met die kalmte van die omgewing is dit 'n ideale plek om weer jou energie op te bou. Aanbevelings: Ek sou graag meer inligting oor die 4x4-roetes wou gesien het. Ons het gaan ry, maar nie geweet of ons oortree of nie.

Heerlik en rustig!

Pragtig en rustig. Stort wou glad nie saamwerk nie ─ óf vuurwarm óf yskoud.

Best farm house ever!

We were pleasantly surprised when we stepped into our accommodation at Rietrylaagte. Wow! Wow! Wow! Even though I saw the pics before we arrived, it could not prepare me for the absolute comfort and overwhelming beauty of this little farm house! Breathtaking! A piece of heaven in Klawer! Well worth the journey from Cape Town! We were quite adventurous, visited the amazing Nama Bike Club off the R363 for a touch of Mozambique in the middle of nowhere, also drove out to Strandfontein and had the best calamari at the Kommetjie Restaurant and a swim at the tidal pool there! Explored Klawer and all the small dorpies! Best part was coming home to a peaceful Rietrylaagte after all the exploring! It got a bit windy in the evenings, the indoor braai was perfect! The place has everything you could possibly need!

Heerlik rustig weg van die stad se gewoel.

Wendy is sekerlik die vriendelikste en aangenaamste gasvrou wat ek in jare ontmoet het. Patrys, die huis waarin ons 4 nagte geslaap het, is baie netjies en goed toegerus. Daar is vanaf tandestokkies tot insekdoder! Al wat mens moet saamneem is klere en kos. Ons het gedink ons sal die twee sakke hout wat te koop aangebied word opgebruik maar het beswaarlik een gebruik want dit is omtrent 'n hele boom wat in die sak was. Die binnebraai is wonderlik. Huis ruik nie eens na rook nadat jy gebraai het nie want daardie skoorsteen kan trek! Het dit geniet om op die stoep te sit en te kyk hoe hard daar op die plaas gewerk word. Die pragtig bewerkte lande is 'n fees vir die oog! Besef weereens boerdery is nie vir sussies nie! Gaan beslis weer daar my batterye daar herlaai. Voorspoed met jul Patrys en plaas.

Ontspan, verken, geniet!

Dankie, Wendy! Dit was so lekker om deur die week op 'n werkende plaas te kon ontspan. Om te sien hoe trekkers werk en lande bewerk word, het groot bygedra tot die ervaring vir my dogtertjies. Dit was ook lekker om hulle te los om te gaan verken op hul eie. Onthou om toe skoene in te pak! Die Patrys huisie is netjies, skoon en gerieflik! Die uitsig is pragtig! Dankie dat julle jul plaas deel, was so mooi met al die veld blommetjies.

Dit was ongelooflik lekker!

Ons het baie lekker gebly. Die huisie is baie gerieflik, het alles gebied wat ons nodig gehad het. Die rustigheid was ongelooflik lekker! Ons sal beslis weer gaan.

Moenie my op my baadjie takseer nie, ek gaan jou verras.

As jy aangery kom, dan wonder jy oor díe huisie in die middel van amper nêrens, maar wat 'n pragtige akkommodasie. Dit is al 'n paar jaar aan die gang, maar als lyk splinternuut en vars. Dit is op 'n werkende plaas, so daar is 'n moets-en-moenie-lysie wat als uiteensit. Definitief 'n aanwins vir die omgewing.

Wonderlik, rustig!

Wonderlike tyd gehad! Wendy het soveel moeite gedoen om ons te verwelkom. Pragtige blomme op die plaas gesien.

'n Moet “hier bly” vir elke mens met plaas in sy hart.

Baie netjiese selfsorghuis. Wat 'n wonderlike wegbreeknaweek vir stadsjapies. Die huis is pragtig en baie netjies, die sjokolade was 'n groot bederf as jy instap in die kamer. Die uitsig vanaf die stoep is alles waaroor jy droom as jy in die stad bly. Ons het heerlik gebraai in die binnebraai (so bietjie gerook tot die vuur lekker vlam gevat het) en klets oor die dag se 4x4-pret, en die pragtige blomme. Daar is verskeie bordjies wat die 4x4-roete aandui. Ons het nie een oomblik onveilig gevoel nie. Hierdie stukkie paradys roep ons naam. Ons gaan beslis gou weer hier kom bly en sal dit beslis aanbeveel vir enige iemand wat weg wil kom van die hedendaagse tegnologie. Hier kom jy terug plaas toe. Lekker!

Was baie lekker en mooi.

Baie mooi en rustig, baie dankie.

Ek en my vrou en ons dogter, haar man en hulle twee kinders het op Rietrylaagte oornag op pad van Windhoek na George.

My dogter en haar gesin het nog 'n tweede dag oorgebly. Ons het die gul ontvangs, die netjiese akkommodasie en die stilte en ruimte terdeë geniet. 'n Heerlike oornag-akkommodasie teen 'n besonder billike prys, selfs vir twee mense is dit waarde vir geld.

Rus en vrede.

Wat 'n wonderlike plek! Pragtige uitsig en ons was bederf met die allermooiste reënboog die oggend van ons vertrek. Die eenheid het alles wat mens nodig het, sal beslis terugkom.