Rivendell

Selfsorg

Spesiale Aanbod 25% af

Kry 25% af (minimum twee nagte se verblyf). Geldig vir verblyf vanaf 26 Nov 2024 tot 10 Des 2024.

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Milnerstraat 30, Umkomaas, 4170, KwaZulu-Natal
Vanaf ~~R2 330~~ R1 748 per nag, vir 6 mense

Beskrywing

Rivendell is 'n selfsorg-vakansiehuis in Umkomaas met maklike toegang tot die rivier en die strand. Die eiendom is ideaal geleë vir 'n gerieflike en onvergeetlike gesinswegbreek in klassieke styl en gerief.

Daar is 'n tweeslaapkamerhuis en 'n woonstel met 1 slaapkamer op dieselfde omheinde erf. Die hoofslaapkamer het lugversorging, 'n koningingrootte-bed en 'n en suite-badkamer met 'n stort, wasbak en toilet. Die tweede slaapkamer het 2 enkelbeddens wat ook as 'n dubbelbed opgemaak kan word, lugversorging en 'n en suite-badkamer met 'n bad en 'n stort.

Die kombuis is volledig toegerus met 'n gasstoof, elektriese oond, yskas-vrieskas, mikrogolfoond, skottelgoedwasser, eetgerei en breekware, asook 'n spens. Daar is ook 'n waskamer met 'n wasmasjien en 'n tuimeldroër.

Die kombuis lei na 'n ruim eetkamer met 'n groot tafel waar almal gerieflik kan eet.

Die sitkamer het gemaklike rusbanke, 'n pooltafel, 'n kaggel en 'n TV met DStv. WiFi is beskikbaar. Die stapeldeure lei na 'n dek met buitemeubels en 'n plonspoel om lekker af te koel na 'n warm dag by die see.

Die aparte woonstel het 'n tussenvloer met 2 enkelbeddens, 'n leefarea, 'n kombuisie en 'n badkamer met 'n stort, wasbak en toilet. Dit is ideaal vir Ouma en Oupa of die tieners wat op hul eie wil wees.

Daar is ook 'n vuurput-braai langs die stoep wat ideaal is om die pragtige tuin te geniet en die see-uitsig te bewonder met 'n skemerkelkie in die hand en later 'n vleisie te braai. Die groot buitetafel op die stoep bied die geleentheid om heerlike al fresco-etes te geniet in die koelte wat die groot bome voorsien.

Motors word veilig binne die erf parkeer buite sig van die straat en daar is 'n elektriese hek wat die huis baie privaat hou.

Dit is so naby aan al die Umkomaas duikoperateurs en die Umkomaas Gholfbaan dat mens feitlilk nie 'n motor nodig het nie. Verder is dit binne 'n paar minute se ry van die pragtige Scottburgh-swemstrand en die winkelsentrums in Scottburgh af. Die Galleria-winkelsentrum in Amanzimtoti is slegs 15 minute ver.

Kry ’n Kwotasie