River Cabin

Selfsorg

Langtermynverblyf-aanbod 30% af

Kry 30% af vir verblyf wat 14 nagte of langer is. Geldig vir verblyf vanaf 7 Aug 2024 tot 31 Okt 2024.

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Karatara-weg 17, Sedgefield, 6573, Wes-Kaap
Vanaf ~~R2 500~~ R1 750 per nag (plek vir 6)

Beskrywing

River Cabin is in die midde van 'n welige woud geleë en bied 'n rustige wegbreek van die stad se gewoel. Hierdie bekoorlike houthut is net 14km vanaf Sedgefield en is perfek vir gesinne of vriende wat op soek is na 'n gesellige toevlugsoord. Die houthuisie is naby die rivier.

Dié eiendom bied slaapplek aan 6 gaste en beskik oor 3 slaapkamers en 2 badkamers. Die eerste en tweede slaapkamers het elk 'n dubbelbed en kaste. Die derde solderkamer het 2 enkelbeddens. Die gemeenskaplike badkamer het 'n stort, toilet en 'n wasbak. Linne en badhanddoeke word voorsien.

Apart van die huis is 'n buitetoilet met 'n uitsig, 'n bad en wasbak wat 'n rustige atmosfeer met 'n pragtige uitsig op die rivier bied.

Die oopplan-leefarea spog met 'n kombuis wat met 'n gasstoof, oond, mikrogolfoond, yskas-vrieskas, eetgerei en breekware toegerus is. Daar is ook 'n etenstafel met sitplek vir 4. Hierdie eenheid het 'n knus sitarea met gemaklike rusbanke wat rondom 'n kaggel staan en perfek vir die koue winteraande is. Gratis WiFi is beskikbaar.

Die leefarea lei na 'n groot dek wat met 'n asemrowende uitsig oor die rivier en omgewing spog. Hiér kan gaste ontspan terwyl hulle die rustigheid van die woud geniet. 'n Klein bootjie en visstokke is beskikbaar en braaigeriewe, asook vuurmaakhout word voorsien.

Die huisie het 'n kaggel vir die winter en genoeg hout word daarvoor ook voorsien. Die huisie is splinternuut, afgesonder, privaat en veilig.

River Cabin is selfonderhoudend en het sonpanele en 'n kragopwekker wat elektrisiteit voorsien en word dus nie deur beurtkrag geraak nie.

Hierdie hut word deur die natuur omring en het geen bure in sig nie. Hierdie idilliese hut bied 'n onvergeetlike ontsnapping vir diegene wat 'n rustige, privaat toevlugsoord soek.

Kry ’n Kwotasie