Beskrywing

Riversong is 'n smaakvolle woonstel op die grondverdieping, slegs 7 minute se stap vanaf Houtbaai se prentjiemooi strand. Die woonstel is in 'n veilige, skaduryke omgewing gelee, binne maklike stapafstand vanaf ons uitstekende supermarkte, restaurante, banke en gimnasiums. Dit is die ideale omgewing vir 'n sorgvrye vakansie.

Hierdie tweeslaapkamerwoonstel bied slaapplek aan 4 gaste. Die hoofslaapkamer het 'n koningingrootte-bed en die tweede slaapkamer beddens kan op versoek in 'n koningingrootte-bed of 2 enkelbeddens omskep word. Gaste deel die badkamer met 'n stort-oor-bad, wasbak en 'n toilet. Linne, handdoeke en strandhandoeke word voorsien.

Die kombuis is met 'n yskas-vrieskas, stoof, oond, mikrogolf, genoeg eetgerei, potte en panne, breekware en tee- en koffiemaakgeriewe toegerus. Die eetruimte het 'n etenstafel geskik vir 4 gaste, en die sitkamer gedeelte is met gemaklike rusbanke toegerus. Die slim televisie ontvang sekere DStv-kanale, en kan op versoek na die volle pakket opgegradeer word. Gratis onbeperkte WiFi is ingesluit.

Die sitkamer gedeelte lei na 'n klein patio met stoep meubels, in 'n aantreklike tuin area waar mens heerlik kan ontspan, Digby is die gemeenskaplike swembad om in af te koel.

Daar is veilige parkeerplek onder skadunet vir een motor, en 'n besoekers parkeerarea vir 'n tweede motor.

Die woonstel is digby verskeie restaurante, koffiewinkels, supermarkte en apteke. Dit is ook binne stapafstand vanaf die gewilde City Sightseeing Bus se vertrekpunt, asook die MyCiti. busdiens. Uber word gereeld deur ons besoekers gebruik.