Riviera Hotel

Hotel

Kapasiteit: 52 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Port Natal-weg, Hartenbos, Mosselbaai, 6520, Wes-Kaap
Vanaf R1 725 per nag, vir 2 mense

Beskrywing

Die Riviera Hotel is aan die oewer van die Hartenbosrivier. Dit is ’n gesinshotel en bied gerieflike verblyf in ’n pragtige omgewing, met besonderse vriendelike diens en personeel. Die hotel is net ’n kort stap vanaf die strand.

Gerieflike verblyf word in 5 hotel-gesinskamers, 2 hotel-suites, 2 tweeslaapkamer-selfsorgwoonstelle en 1 drieslaapkamer-selfsorgwoonstel gebied. Die gesinskamers is ideaal vir ’n gesin van 4 en het ’n dubbelbed en ’n slaapbank vir kinders. Die hotel-suites is ideaal vir paartjies en hierdie selfsorgwoonstelle het elk ’n ten volle toegeruste kombuis vir selfsorg.

Elke kamer het tee- en koffiemaakgeriewe, ’n TV met sekere DStv-kanale, badkamergeriewe en badhanddoeke.

Gaste het toegang tot ’n dameskroeg en ’n à la carte-restaurant, sowel as ’n swembad, konferensiegeriewe en ’n saal vir troue en funksies. WiFi is slegs by ontvangs, die restaurant en die kroeg beskikbaar.

Die ligging is ideaal vir gaste wat die Tuinroete of die buurdrop Mosselbaai wil verken. Daar is ’n verskeidenheid besienswaardighede en aktiwiteite in die area, soos strande, walviskyk, duik, haaihok-duik, branderplankry, visvang, avontuur-ervarings, voetslaanroetes, wild- en natuurreservate, restaurante, winkels en kroeë.

Kry ’n Kwotasie