Rock Inn

Selfsorg

Kapasiteit: 28 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Tegwan-weg 835, Ramsgate, 4285, KwaZulu-Natal
Vanaf R3 669 per nag (plek vir 28)

Beskrywing

Rock Inn is 'n lieflike selfsorgvakansiehuis in die hartjie van Ramsgate. Dit is 'n wonderlike opsie vir 'n wegbreek saam met 'n groot groep vriende en familie aan die Dolfynkus aangesien hierdie huis 'n uitnodigende swembad het vir gaste om op daardie warm somersdae af te koel.

Dié eiendom bied gerieflike slaapplek vir altesaam 28 gaste op 'n slag en beskik oor 8 slaapkamers en 5 badkamers. Die slaapkamers is óf ingerig met koningingrootte-beddens, enkelbeddens óf stapelbeddens. Beide bad- en stortgeriewe is in die huis beskikbaar.

Die ruim leefarea beskik oor 'n kombuis wat volledig toegerus is met 'n stoof, oond, mikrogolf, yskas-vrieskas, eetgerei en breekware asook 'n ontbyttoonbank met stoele. Vanuit hierdie kombuis lei 'n eetarea waar gaste hul maaltye saam kan geniet. Die sitarea het gemaklike sitplek en 'n TV met Openview-kanale. Gaste is welkom om hul eie DStv-dekodeerder en -slimkaart saam te bring.

Buite is 'n lieflike patio met tafels en stoele, 'n kroeg met stoele en braaigeriewe wat 'n wonderlike plek is vir gaste om te ontspan en 'n skemerkelkie te geniet. Dié patio lei na die swembad wat gaste kan geniet.

Kry ’n Kwotasie