Rockstar Game Lodge

Wildsplaas

Kapasiteit: 26 persone
20 volwassenes, 6 kinders
Alle ouderdomme is welkom
Inkloktyd: 13:00 tot 20:00
Uitkloktyd: 11:00
Adres: Plot 77, Kromdraai, Bela-Bela, 0480, Limpopo
Vanaf R9 500 per nag (plek vir 26)

Beskrywing

Rockstar Game Lodge is teen die pragtige Waterberge in die hartjie van Limpopo geleë. Die lodge bied 'n rustige bosveldwegbreek en is in Kromdraai net 67 km van Bela-Bela af. Dit is die ideale opsie vir 'n groot groep vriende of 'n gesin wat graag weg wil kom van die alledaagse gejaag. Die lodge is afgesonder en het 'n heerlike, privaat swembad.

Verblyf is beskikbaar vir 20 volwassenes en 6 kinders. Die lodge beskik oor 13 slaapkamers, 'n koningingrootte-bed of 2 enkelbeddens wat slegs geskik is vir kinders. Al 10 badkamers is en suite en het óf 'n stort óf 'n bad. Alle linne, badhanddoeke word voorsien, maar gaste moet asb. hul eie swemhanddoeke saambring.

Die lodge het 'n leefarea met 'n kombuis wat met n gasstoof, 'n mikrogolf, yskas-vrieskas, eetgerei, breekware en tee- en koffiemaakgeriewe toegerus is. Daar is ook 'n kuierarea met binnebraaigeriewe, 'n kroeg, Jacuzzi, pooltafel en 'n etenstafel met genoeg sitplek. Daar is ook gemaklike sitplek voor 'n platskerm-TV met die volledige DStv-pakket.

Buite is daar 'n swembad waarin gaste lekker kan afkoel. Ander geriewe sluit 'n boma, wildkyktoring, veilige onderdakparkeerplek, 'n waskamer met 'n wasmasjien en tuimeldroër en 'n klimraam vir kinders in.

Daar is sonpanele wat die ligte en TV tydens beurtkrag ondersteun.

Kry ’n Kwotasie