Rooiheuwel Holiday Farm

Selfsorg

Kapasiteit: 101 persone
Alle ouderdomme is welkom
Inkloktyd: 10:00 tot 19:00
Uitkloktyd: 10:00
Adres: Rooiheuwel, Beaufort-Wes, 6970, Wes-Kaap
Vanaf R400 per nag, vir 2 mense

Beskrywing

Rooiheuwel is 'n selfsorg-gasteplaas in die Kaoo. Dis geleë op die pragtige platorand van die Nuweveldberge in die Groot Karoo met sy tipiese Karoo-berglandskap. Ons is sowat 80 km wes van Beaufort-Wes en 60 km noord van Leeu-Gamka.

Verblyf is beskikbaar in 'n plaashuis, 'n plaasopstal met 'n kaggel (ideaal vir oornagverblyf), 'n skaapwagterhuis (kliphuisie) in die veld, en 'n kampeerterrein onder doringbome met ablusiegeriewe en elektrisiteit.

Ons nuutste eenheid "Grootdroom" is 'n pragtige berg-chalet aan die oewer van 'n droë rivierbedding wat deur die Nuweveldberge omring is. Hierdie vakansiehuis is ingerig vir gerieflike verblyf met 'n 12 volt-sonkragstelsel wat elektrisiteit verskaf vir toestelle soos die yskas en ligte.

Die Karoo is 'n reuse semi-woestyn met die grootste verskeidenheid vetplante in die wêreld, veelsydige flora asook 'n verskeidenheid primate, wild, reptiele, ongewerwelde diere en voëls.

Rooiheuwel is 'n veilige en ideale bestemming reg deur die jaar vir stappers (eerste groenvlag-toegekende staproete in die Karoo), voëlkykers, 4x4 toergroepe, dubbeldoel-motorfietsryers, bergfietsryers, perderuiters, konferensiegroepe, omgewings-opvoedkundige groepe en kampeerders.

Kry ’n Kwotasie