Rosemary Garden Cottage

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Van Riebeek-straat 12, Riebeek-Wes, 7306, Wes-Kaap
Vanaf R1 300 per nag (plek vir 2)

Beskrywing

Rosemary Garden Cottage is 'n pragtige selfsorgkothuis in die hartjie van Riebeek-Wes in die rustige Riebeekvallei. Dit is perfek vir 'n gesinswegbreek buite die stad, want dit is net 'n uur vanaf Kaapstad.

Die kothuis bied slaapplek aan 5 gaste en beskik oor 3 slaapkamers en 2 badkamers. Die hoofslaapkamer het lugversorging, 'n koninggrootte-bed en 'n en suite-badkamer met 'n bad en 'n stort. Die tweede slaapkamer het 2 enkelbeddens en die derde slaapkamer het n 3/4 bed. Die tweede aparte badkamer het 'n bad en 'n stort.

Die ruim leefarea beskik oor 'n kombuis wat met 'n tweeplaatgasstoof, elektriese tweeplaatstoof, oond, mikrogolfoond, yskas-vrieskas, eetgerei, breekware en 'n Nespresso-masjien toegerus is. Daar is ook 'n etenstafel en 'n knus sitarea met gemaklike sitplek, 'n kaggel en 'n TV. Gratis WiFi is beskikbaar.

Buite is daar 'n onderdakstoep met sitplek, 'n etenstafel en 'n ingeboude braai. Veilige parkeerplek is op die perseel beskikbaar.

Olive Tree Studio is n aparte woonstel op die perseel
en kan as deel van Rosemary Garden Cottage
of apart bespreek word.
Dit bestaan uit een slaapkamer, n kombuisie met gasplaat, wasbak en yskas en n badkamer met n groot stort. Die woonstel het sy eie, aparte buite area en braaiplek.

Kry ’n Kwotasie