Rosewood Self-Catering

Selfsorg

Gratis kansellasie tot 1 week voor jou verblyf!
Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 13de Laan 130, Gonubie, 5257, Oos-Kaap
Vanaf R900 per nag, vir 2 mense

Beskrywing

Rosewood Self-Catering is in Gonubie, 'n gewilde vakansiebestemming naby Oos-Londen geleë. Gonubie is ook 'n uiters gewilde visvangbestemming en dis bekend vir die jaarlikse Surfer's Marathon en die Half Iron Man-kompetisie.

Verblyf word gebied in 3 eenhede: Rosewood Cottage bied slaapplek vir 4-6 gaste. Dit beskik oor 2 slaapkamers, 1 badkamer 'n oopplan-sitkamer en -kombuis. Die eerste slaapkamer het 'n dubbelbed en die tweede slaapkamer het 2 enkelbeddens. Die badkamer beskik oor 'n stort, bad, wasbak en toilet. Daar is ook 'n privaat ingang en braaigeriewe. Netflix, WiFi en onderdakparkeerplek word voorsien.

Rosewood Studio is 'n woonstel op die boonste verdieping met slaapplek vir 2 tot 4 gaste. Dit is ingerig met 'n dubbelbed en 'n dagbed wat die grootte van 'n enkelbed is. Daar is ook 'n sitarea, 'n badkamer met 'n stort, en 'n kombuisie. Veilige parkeerplek word voorsien en daar is Netflix en WiFi. Daar is egter geen braaigeriewe nie.

Rosewood Annex is die ideale eenheid vir 'n sakereisiger of 'n paartjie. Dit is op die grondverdieping en beskik oor 1 kamer met 'n dubbelbed, 'n sitarea, 'n badkamer met 'n stort, 'n kombuisie, Netflix, WiFi en 'n braaiarea met sitplek buite.

Rosewood Self-Catering is stapafstand vanaf die Gonubie Gholfbaan en net 5 minute se ry van die idilliese Gonubie-strand en -winkelsentrum af. Verder is dit net 20 minute se ry van Oos-Londen se winkelsentrums, gholfbane en restaurante af. Dis net 30 minute se ry van wildplase en die pragtige Ooskus se oorde af.

Kry ’n Kwotasie