Rots 'n See Self-catering Villa

Selfsorg

Langtermynverblyf-aanbod 14% af

Bly 7 nagte en betaal slegs vir 6 vir verblyf wat 7 nagte of langer is. Hierdie aanbod is altyd geldig.

Kapasiteit: 12 persone
Alle ouderdomme is welkom
Inkloktyd: 16:00 tot 20:00
Uitkloktyd: 10:00
Adres: Seaview-rylaan 47, Franskraal, Gansbaai, 7220, Wes-Kaap
Vanaf ~~R6 900~~ R5 915 per nag, vir 12 mense

Beskrywing

Rots 'n See Self-catering Villa is 'n selfsorghuis aan die kus in Franskraal, naby die bekende vissersdorpie, Gansbaai, in die Wes-Kaap. Dis perfek vir 'n groep vriende of 'n groot gesin op soek na gerieflike verblyf met 'n 180°-uitsig oor die see en doendinge in die omgewing.

Die huis beskik oor 5 slaapkamers en 4 badkamers waarvan 3 en suite is. Die slaapkamers is ruim en toegerus met 'n dubbelbed of enkelbeddens en die badkamers het elk 'n stort of 'n bad met 'n wasbak en 'n toilet. Linne en handdoeke word voorsien. Die kombuis, sitarea en eetarea is oopplan en die kombuis is toegerus met geriewe soos 'n yskas-vrieskas, mikrogolfoond, stoof, wasmasjien, tuimeldroër, skottelgoedwasser en nog ander toebehore.

Die sitkamer het 'n TV met die volle DStv-pakket en die eetkamer lei uit na 'n binne-kuierarea met braaigeriewe. Rots en See het ook 'n alarmstelsel en gewapende reaksie en gaste word gevra om die alarmstelsel te aktiveer wanneer hulle nie tuis is nie. Gaste kan walviskyk van die patio af gedurende die seisoene en daar is 'n dubbelmotorhuis vir voertuie.

Op die perseel kan gaste voëlkyk, visvang of snorkel by die rotse aan die agterkant van die huis. 'n Kort entjie se ry weg kan gaste 'n hele rits doendinge aanpak. Dit sluit in: voetslaan, duik, bootvaarte, haaihokduik, branderplankry, inkopies en lekker uiteet by restaurante.

Kry ’n Kwotasie