Rus-en-Roes is 'n heerlike, ruim kuierhuis met 'n 180° uitsig van die strand en see. Hierdie is 'n gesellige (eerder as 'n deftige) vakansiehuis, met houtvloere, uitstekende gerieflike beddens, 'n lekker insink leerbank en 'n groot eetkamertafel. Die buitestoep is langs die braai en kyk uit oor die see.

Lekker stil met 'n pragtige uitsig. Alles beskikbaar wat mens nodig het. Baie lekker!

Perfekte wegbreek. Rus-en-Roes is lekker uit die gejaag, maar steeds naby genoeg aan die strand om sommer te stap. Dis die 2de keer wat ons hier tuisgaan en dit sal vir seker ook ons keuse vir die toekoms wees.

Uitstekende diens en kommunikasie van die eienaar. Baie welkom gevoel en heerlik gekuier. Huis is baie goed toegerus vir meeste van jou behoeftes. Spesiale goed soos vuuraanstekers, bordspeletjies en verkyker laat mens sommer tuis voel. Dankie Niekie!

Lekker gebly, rustig en stil. Goeie kommunikasie van eienaar. Sal beslis weer kom kuier. Dit is 'n ou huis, regte strandhuis, nie 'n glanspaleis nie, maar goeie waarde vir geld.

We loved the position of the house although no access to the beach but loved sitting on verandah! We were under the impression that there was access to the beach but that didn't bother us in the end because just sitting on the verandah and watching the whales and dolphins more than made up for that! The one issue we did have was that there is no water pressure in the shower, just trickles, so that got to us. If you could sort this out, it'll be great then!

'n Rustige wegbreek. Die huis se uitsig is asemrowend en ek kon ure op die lekker stoep sit en net kyk en luister na die branders. Die huis self is so reg in my smaak met sy antieke meubels en houtvloere, dit gee 'n besonderse warm en huislike atmosfeer en die beddens is so gemaklik. Die huis is ook lekker toe en beveilig, ek kon ontspan in die wete dat my 2 klein kinders nie iewers kon uitglip sonder my wete nie. Julle sien ons definitief weer!

Vakansie by die see met familie. Uitstekend! Ons kon nie vir beter gevra het nie. Rus-en-Roes is 'n lekker familie huis, met genoeg spasie sodat dit nie voel asof jy oormekaar val nie. Die huis is besonders goed toegerus en het 'n onoortreflike uitsig oor die see. Alhoewel die huis nie by die strand is nie kon ons met gemak strand toe stap. Ons sal beslis weer hier bespreek.

Perfekte ligging. Goeie waarde vir geld. Rus-en-Roes het 'n asemrowended uitsig van die see. Ons gesin het heerlik gekuier en goed geslaap. Baie dankie - ons sal graag weer Buffelsbaai en Rus-en-Roes besoek.

Very pleasant, but basic. Only problem is with having to accommodate 6 people, with only one shower.