Beskrywing

Rust en Vrede is in Malmesbury en bied gehalteverblyf wat ideaal is vir 'n paartjie of sakereisiger. Malmesbury is in die hartjie van die Swartland se wynroete en word deur pragtige berge en graanlande omring. Die woonstel is sentraal geleë naby verskeie winkels en restaurante.

Die selfsorg-eenheid het 'n oopplan-uitleg en beskik oor 'n dubbelbed en aparte badkamer met 'n stort, toilet en wasbak. Skoon handdoeke en linne word voorsien.

Die kombuis is toegerus met 'n induksiestoof, mikrogolf, yskassie, koffie- en teemaakgeriewe, breekware en eetgerei.

Die volledige DStv-pakket en veselinternet is beskikbaar.

Die V&A Waterfront in Kaapstad is 60 km hiervandaan, en Paarl se wingerde en die Afrikaanse Taalmonument is net 45 km ver. Die dorp Morreesburg, sowel as die naaste strand, is albei 45 km van ons af.