Rustgevonden

Selfsorg

Blits-aanbod 30% af

Kry 30% af vir verblyf voor 30 April 2025. Bespreekbaar tot 3 Mrt 2025

Tyd oor om te bespreek

Gratis kansellasie tot 24 uur voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 23:00
Uitkloktyd: 11:00
Adres: Maori-laan 2, Kaap St. Francis, 6313, Oos-Kaap
Vanaf ~~R3 500~~ R2 450 per nag (plek vir 10)

Beskrywing

Rustgevonden is 'n pragtige selfsorghuis op die seefront, aan die wilde-kant van Cape St Francis. Geniet manjifieke sonsondergange en hoor die see druis in jou ore 24-uur, Dit is die perfekte ligging vanwaar gaste die unieke dorpie Kaap St. Francis kan verken.

Dié vakansiehuis bied slaapplek aan 10 gaste en beskik oor 5 smaakvolle slaapkamers, waarvan 3 'n en suite-badkamer het. Die hoofslaapkamer op die boonste verdieping het 'n asemrowende uitsig oor die see en rotse met ‘n koningingrootte-bed. Die ander 3 slaapkamers op die grondvloer in die huis is as volg: tweede en derde slaapkamer het 2 enkelbeddens,/koninggroote-bed en kamer vier het 2 enkelbeddens en ‘n dubbelbed. Die vyfde slaapkamer is op die boonste verdieping met sy eie ingang en het 2 enkel-beddens/koninggrootte-bed, yskassie, ketel en sitarea. Alle linne en handdoeke word voorsien. Elke kamer het skuifdeure wat oopmaak om te verseker die ervaring is ongelooflik!

Die kombuis is met 'n yskas-vrieskas, gasstoof, elektriese oond, mikrogolf, eetgerei, breekware, tee- en koffiemaakgeriewe toegerus. Daar is 'n toonbank met stoele, asook 'n skottelgoedwasser vir gaste se gerief. Die kombuis lei na 'n braai en eetarea met sitplek vir 10, wat verder lei na die eerste leefarea met gemaklike rusbanke en 'n ononderbroke see-uitsig. Daar is 'n tweede sitarea met sitplek en 'n TV met toegang tot die volle DStv-pakket en 'n knus kaggel.

Die binnehof het 'n ingeboude braai-area met buitesitplek, terwyl die glasdeure van die oopplan-leefarea na die houtstoep lei met sitplek en 'n stoepswaai. Hier kan gaste die sonsondergang oor die see geniet terwyl hulle gesellig verkeer.

Kaap St. Francis en die nabygeleë St. Francisbaai bied 'n verskeidenheid geriewe en aktiwiteite vir besoekers om te geniet wat restaurante, golf, diepsee-hengel, surf en staproetes insluit. Daar is baie eetopsies, buitelugaktiwiteite en natuurlike besienswaardighede om 'n onvergeetlike en genotvolle besoek vir almal te verseker.

Kry ’n Kwotasie