Saffier River Cottage Farmstay

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Langs die R344, Arbroath Plaas, Lady Grey, 9755, Oos-Kaap
Vanaf R1 500 per nag (plek vir 8)

Beskrywing

Saffier River Cottage Farmstay is op 'n werkende plaas op die oewer van die Kraairivier en bied verblyf aan 6 volwassenes en 2 kleiner kinders in 'n selfsorg-kothuis 30 km vanaf Lady Grey.

Dié gemengdeklip-kothuis word omring deur pragtige landskappe en berge en is 3 km vanaf die hoofplaas geleë. Daar is 3 slaapkamers, 2 badkamers, 'n kombuis, 'n eetarea en 'n sitarea.

Die hoofslaapkamer het 'n koninginggrootte-bed, 'n enkelbed, kot en 'n en suite-badkamer met 'n stort. Die tweede slaapkamer het 'n koninginggrootte-bed en die derde slaapkamer het 'n enkelbed en 1 stapelbed vir 2 kinders tussen 2 en 8 jaar oud. Gaste deel 'n badkamer wat 'n bad het. Linne en badhanddoeke word voorsien, maar gaste moet asb. hul eie swemhanddoeke saambring.

Die kombuis is toegerus met 'n gasstoof, oond, elektriese yskas en kisvrieskas 142ltr, eetgerei, breekware, kookgerei en tee- en koffiemaakgeriewe. Daar is ook 'n etenstafel.

Die leefarea lei na die lapa met braaigeriewe, asook 'n boma-vuurmaakplek. Gaste sal skape, beeste, melkbokke, verskeie voëls en ander wild op die plaas sien.

Gaste kan bergfietsry, draf, swem of in die rivier visvang. Daar is baie fossiele teen die berg en word gereeld deur paleontoloë van Wits Universiteit besoek.

Kry ’n Kwotasie