Salamah

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Berghaanstraat 3067, Marlothpark, 3012, Mpumalanga
Vanaf R1 250 per nag (plek vir 8)

Beskrywing

Salamah bied gerieflike selfsorgverblyf in 'n tweeslaapkamerhuis met 'n solderkamer. Die huis is in Marlothpark en is net 20 km vanaf die Krugerwildtuin se Krokodilbrughek.

Die huis het lugversorging en bied slaapplek aan 8 gaste. Die eerste slaapkamer het 'n koningingrootte-bed, 'n bababedjie en 'n en suite-badkamer. Die tweede slaapkamer het 2 enkelbeddens. Dié 2 slaapkamers is onder en die derde slaapkamer is bo in die solder met 2 dubbelbeddens.

Daar is 'n badkamer met 'n stort, toilet en 'n wasbak en 'n gastetoilet in die huis. Daar is ook 'n buitebadkamer met 'n bad, wasbakke en toilette.

Die huis het 'n oopplan-kombuis en -leefarea. Die kombuis is met 'n yskas, dierp-vrieskas, oond, stoof, mikrogolfoond, skottelgoedwasser en 'n ysmasjien toegerus. Daar is 'n TV met DStv en onbeperkte WiFi.

Gaste het toegang tot 'n lapa en boma met 'n braai-area en 'n plonspoel. Onderdakparkeerplek is vir 1 voertuig beskikbaar.

Kry ’n Kwotasie