SaltLife@Skuitbaai

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Erf 140, Skuitbaai-oord, Eersterivierstrand, 6303, Oos-Kaap
Vanaf R2 500 per nag (plek vir 8)

Beskrywing

SaltLife@Skuitbaai is 'n ruim selfsorg-vakansiehuis op 'n privaat landgoed met 'n sekuriteitsbeheerde ingangshek ongeveer 1 km van die toegangshek van Eersterivierstrand af. Dit is ook net 300 m vanaf die Fynbos Golf and Country Estate.

Die huis bied slaapplek aan 8 gaste en beskik oor 4 slaapkamers, 2 badkamers en 2 gastetoilette. Die hoofslaapkamer het 'n koningingrootte-bed en daar is 'n enkelbed in die aangrensende kamer. Daar is ook 'n aantrekkamer. Die en suite-badkamer het 'n bad en 'n dubbelstort. Die tweede en derde slaapkamer het elk 'n koninggrootte-bed wat ook in 2 enkelbeddens omskep kan word op versoek. Die vierde slaapkamer het 'n enkelbed en 'n en suite-badkamer met 'n toilet en 'n wasbak. Gehaltelinne en badhanddoeke word voorsien, maar gaste moet hul eie strandhanddoeke saambring. WiFi-toegang is beskikbaar.

Die oopplan-kombuis is met 'n gasstoof, elektriese oond, mikrogolf, ysmasjien, yskas-vrieskas en aparte diepvrieskas toegerus. Daar is ook 'n wasmasjien en skottelgoedwasser. Die ruim leefarea het 2 slaapbanke en 'n TV met sekere DStv-kanale. Daar is ook 'n etenstafel met 8 stoele. Gaste kan die beskutte houtdek met 'n braai waar daar ook 2 houttafels en bankies is, geniet.

Skuitbaailandgoed het 'n klein, privaat strand en getypoel met braaigeriewe waar gaste die dag kan spandeer. Daar is ook 'n klein speelparkie vir kinders, staproetes en 'n visvangplek.

Kry ’n Kwotasie