San Lameer Superior View

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R61, San Lameer Estate, Southbroom, 4277, KwaZulu-Natal
Vanaf R1 450 per nag (plek vir 4)

Beskrywing

San Lameer Superior View is 'n bekoorlike villa wat selfsorgverblyf in die San Lameer Estate aan die Suidkus van KwaZulu-Natal bied. Hierdie villa is ideaal vir 'n gesin of groep vriende wat op soek is na 'n kuswegbreek.

Dié tweeslaapkamervilla is op die derde verdieping en bied slaapplek aan 4 gaste. Die hoofslaapkamer het 'n dubbelbed en gaste gebruik 'n aparte badkamer met 'n bad en stort. Die tweede slaapkamer het 2 enkelbeddens en 'n en suite-badkamer met 'n stort. Beide slaapkamers het lugversorging.

Die kombuis het 'n toonbank met stoele en is met 'n yskas-vrieskas, gasstoof, oond, mikrogolf en skottelgoedwasser toegerus. Die sitarea het gemaklike rusbanke en 'n TV met DStv. Dit lei na die privaat dek met 'n etenstafel buite en ingeboude braaigeriewe met 'n see-uitsig. Een onderdakparkeerplek is beskikbaar.

Die kompleks spog met 2 varswaterswembaddens, 'n 18 putjie-gholfbaan, restaurante, 'n spa, biblioteek en 'n geriefswinkel. Die Blouvlagstrand is naby die verblyf en het 24 uur-sekuriteit, lewensredders en haainette.

Kry ’n Kwotasie