San Lameer Villa 2020

Beskrywing

San Lameer Villa 2020 is 'n eksklusiewe selfsorgvilla op die San Lameer Estate aan die Suidkus van KwaZulu-Natal. Hierdie subtropiese paradys spog met wild, fauna, flora en volop voëls en bied iets vir elke lid van die gesin. Die 200 ha-natuurbewarea spog met 'n 18-putjie kampioenskapgholfbaan, 'n hotel met 'n spa, restaurant en kroeg, luukse villas en direkte toegang tot 2 Blouvlagstrande.

Die villa het lugversorging en bied slaapplek aan 4 volwassenes en 2 kinders. Dit beskik oor 2 slaapkamers en 'n badkamer. Die hoofslaapkamer het 'n koningingrootte-bed en die tweede slaapkamer het 2 stapelbeddens. Die badkamer het 'n stort, wasbak en toilet. Gehaltelinne en badhanddoeke word voorsien, maar gaste moet hul eie swemhanddoeke saambring. 'n Kluis is ook beskikbaar.

Die leefarea beskik oor 'n kombuis wat met 'n gasstoof, elektriese oond, mikrogolf, yskas-vrieskas, eetgerei en breekware toegerus is. Daar is ook 'n wasmasjien en skottelgoedwasser. Die kombuis lei na 'n etenstafel met genoeg sitplek sodat gaste maaltye saam kan nuttig. Die knus sitarea het gemaklike sitplek en 'n platskerm-TV met DStv en WiFi.

Die leefarea lei na 'n onderdakstoep met buitemeubels en braaigeriewe. Dit is die perfekte plek vir 'n skemerkelkie.

Die landgoed spog met gemeenskaplike swembaddens en gaste kan 'n pragtige uitsig geniet. San Lameer is in 'n lowerryke omgewing en het tuine waar gaste piekniek kan hou, 'n kinderspeelarea, fietse te huur, 'n visvangdam en 'n voëlkykdam. Gaste kan ook die gemeenskapliek braai-areas benut en die voetslaanroetes aandurf.