San Lameer Villa 2205

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Villa 2205, San Lameer-straat, San Lameer Landgoed, 0054, KwaZulu-Natal
Vanaf R3 000 per nag (plek vir 8)

Beskrywing

San Lameer Villa 2205 is 'n stylvolle vierslaapkamer-gesinsvakansiehuis op die pragtige San Lameer-landgoed aan die KwaZulu-Natalse Suidkus. Hiér leef 'n mens naby die natuur met 'n pragtige see-uitsig en tog is jy naby topklas-ontspanningsgeriewe in 'n baie veilige omgewing.

Die huis bied slaapplek aan 8 gaste en beskik oor 4 slaapkamers op 2 verdiepings. Die oopplan-sitarea en -eetarea, kombuis en en suite-hoofslaapkamer is op die grondverdieping. Die hoofslaapkamer het 'n koningingrootte-bed en die badkamer het 'n bad en 'n stort. Die leefarea lei na 'n stoep met 'n eetarea en 'n uitsig oor die tuin en die see.

Op die boonste verdieping is daar 'n ruim TV-kamer met 'n platskerm-TV en DStv wat na 'n stoep lei waar gaste die sonsopkoms kan bewonder. Daar is ook 2 slaapkamers met 2 enkelbeddens elk en 'n badkamer met 'n stort en 'n toilet op hierdie verdieping. Die onderste stoep bied toegang tot die aparte en suite-gastekamer. Dié slaapkamer het 'n koningingrootte-bed, 'n badkamer met 'n bad en 'n stort, 'n pragtige see-uitsig. Dit is ideaal vir ouma en oupa, tieners of vriende.

Voor die huis is daar 'n groot grasperk waar gaste krieket, rugby of sokker kan speel. Die huis is net 'n entjie se stap vanaf al die San Lameer-besienswaardighede, soos die Blouvlagstrand, 'n hotel met 'n restauarant en swembaddens, die Mashie-gholfbaan, tennis- en muurbalbane, rolbalbaan, Spar Superette en 'n biblioteek.

Kry ’n Kwotasie