San Lameer Villa 2406

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: R61, San Lameer, Southbroom, 4277, KwaZulu-Natal
Vanaf R3 500 per nag (plek vir 8)

Beskrywing

San Lameer Villa 2406 is 'n stylvolle dubbelverdieping-villa op die pragtige San Lameer-landgoed in Southbroom, KwaZulu-Natal. Dié selfsorghuis het slaapplek vir 8 gaste en is ideaal vir 'n gesin of groep vriende.

Die villa het 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n stort-oor-bad. Die tweede slaapkamer het 'n dubbelbed en 'n en suite-badkamer met 'n stort. Die derde en vierde slaapkamer het elk 2 enkelbeddens en deel 'n badkamer met 'n bad. Elke kamer het lugversorging. Die eiendom het ook 'n JoJo-tenk, wat as 'n ondersteunende watertoevoer dien .

Die oopplan-leefarea het gemaklike rusbanke, 'n TV, 'n etenstafel met oorgenoeg sitplek en 'n kombuis. Die kombuis is ten volle toegerus vir selfsorg en het 'n stoof, oond, yskas-vrieskas, mikrogolf, skottelgoedwasser, wasmasjien, tuimeldroër, eetgerei en breekware. Daar is ook WiFi-toegang.

Die sitkamer lei deur glydeure na 'n onderdakstoep met buitemeubels. Die onderdakstoep het 'n ingeboude braai en 'n lieflike uitsig oor die landgoedtuin waar kinders lekker kan hardloop en speel. Daar is onderdakparkeerplek vir een voertuig aan die voorkant van die villa. Addisionele voertuie moet op die aangewese plekke binne die landgoed parkeer.

San Lameer, 'n lieflike landgoed aan KwaZulu-Natal se Suidkus, spog met 'n 18 putjie-kampioenskapgholfbaan, 'n hotel, 'n swembad, konferensiesentrum, restaurant en vele sportaktiwiteite wat perfek vir stresverligting is. Al dié aktitiwiteite vind binne 'n pragtige, omheinde natuurreservaat plaas. Gaste verlaat San Lameer met herinneringe van glinsterende waters, 'n tropiese paradys en inheemse bosse.

Kry ’n Kwotasie