San Lameer Villa 2806

Beskrywing

San Lameer Villa 2806 is 'n eksklusiewe selfsorgvilla op die San Lameer-landgoed. Hierdie subtropiese paradys met wild, fauna, flora en voëls bied iets aan die hele gesin en is in die suide van KwaZulu-Natal geleë. Die 200 hektaar-natuurbewarea spog met 'n 18 putjie-kampioenskap-gholfbaan, 'n hotel met 'n spa, restaurant en 'n kroeg sowel as luukse villas en direkte toegang tot 2 Blouvlagstrande.

Hierdie smaakvol ontwerpte villa bied slaapplek aan 6 gaste en beskik oor 3 slaapkamers en 2 badkamers. Die hoofslaapkamer het 'n koninggrootte-bed en 'n en suite-badkamer met 'n stort-oor-bad, wasbak en 'n toilet. Die ander slaapkamers het elk 2 enkelbeddens en gaste deel 'n badkamer met 'n stort, wasbak en 'n toilet. Daar is ekstra TV's in die 2 van die slaapkamers. Gehaltelinne en badhanddoeke word voorsien, maar gaste moet hul eie swemhanddoeke saambring.

Die leefarea spog met 'n sitarea, eetarea en 'n kombuis. Die kombuis is met 'n stoof, oond, mikrogolfoond, yskas-vrieskas, wasmajsien, skottelgoedwasser, eetgerei, breekware en tee- en koffiemaakgeriewe toegerus. Die eetarea het 'n etenstafel met sitplek vir 8 gaste en daar is gemaklike sitplek, 'n koffietafel en 'n TV in die sitarea.

Die leefarea lei na 'n beskutte stoep en spog met 'n lowerryky omgewing. Die stoep het 'n losstaande braai en 'n etenstafel geskik vir 'n al fresco-ete. Gaste het ook toegang tot gratis parkeerplek.

Die villa het 'n omsetter vir die hele huis om die impak van beurtkrag te verminder. Daar is ook gratis WiFi, 'n watertenk en 'n haardroër.

Gaste kan langs die landgoed se swembaddens ontspan of die pragtige uitsigte waardeer. San Lameer bied ook uitsigte oor die lowerryke omgewing, tuine geskik vir 'n piekniek, 'n speelarea vir kinders, fietse wat te huur is, 'n visdam en 'n dam waar gaste kan voëlkyk.