San Lameer Villa 2832

Beskrywing

San Lameer Villa 2832 is op die San Lameer-landgoed aan KwaZulu-Natal se Suidkus geleë. Dié subtropiese paradys bied wild, fauna, flora en verskeie voëlspesies en is die ideale vakansieplek vir die hele gesin. Die 200 ha-bewarea beskik oor 'n 18 putjie-kampioenskapgholfbaan, 'n hotel met 'n spa, restaurant en kroeg, luukse villas en bied direkte toegang tot 2 pragtige Blouvlagstrande.

Die villa het lugversorging en bied slaapplek aan 6 gaste. Dit beskik oor 3 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n koningingrootte-bed en die and 2 slaapkamers het elk 2 enkelbeddens. Die badkamers het elk 'n bad, stort en 'n toilet. Gaste moet asb. hul eie swemhanddoeke saambring.

Die kombuis is met 'n stoof, oond, yskas-vrieskas, mikrogolfoond, eetgerei, breekware en tee- en koffiemaakgeriewe toegerus en daar is 'n skottelgoedwasser en 'n wasmasjien. Die eetarea het sitplek vir 8 gaste en die sitarea het 'n gemaklike rusbank en 'n TV met sekere DStv-kanale.

Die leefarea bied toegang tot 'n stoep met 'n buite-etenstafel en braaigeriewe, asook 'n uitsig oor die see in die verte.