Beskrywing

San Lameer Villa 3708 is 'n eksklusiewe selfsorgvilla wat in San Lameer landgoed geleë is. Hierdie subtropiese paradys met wild, fauna, flora en voëls, is aan die Suidkus van KwaZulu-Natal en het iets om die hele gesin te bied. Die natuurbewaringsgebied van 200 hektaar spog met 'n 18 putjie-kampioenskapgholfbaan; 'n hotel met 'n spa, restaurant en kroeg, luukse villas en direkte toegang tot 2 blouvlagstrande.

Dié smaakvol ontwerpte villa bied slaapplek aan 8 gaste en beskik oor 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n bad, stort, toilet en 'n wasbak. Die tweede slaapkamer het 'n dubbelbed en 'n en suite-badkamer met 'n stort, toilet en 'n wasbak. Die ander slaapkamers het elk 2 enkelbeddens. Gaste in hierdie slaapkamers deel 'n badkamer met 'n bad, stort, toilet en 'n wasbak. Gehaltelinne en badhanddoeke word voorsien, maar gaste moet hul eie swemhanddoeke saambring.

Die leefarea het 'n sitarea, eetarea en 'n kombuis. Die kombuis is met 'n stoof, oond, mikrogolf, yskas-vrieskas, skottelgoedwasser, wasmasjien, tuimeldroër, eetgerei, breekware, tee- en koffiemaakgeriewe toegerus. Die kombuis het 'n toonbank met 6 stoele. Die eetarea het 'n etenstafel wat geskik is vir 8 gaste. Die sitarea het 'n gemaklike sitkamerstel, koffietafel wat lei na 'n dek met buitesitplek en 'n ingeboude gasbraai. Daar is ook 'n TV met DStv. Gratis WiFi is beskikbaar.

Die leefarea lei na 'n onderdakstoep wat spog met 'n losstaande braai en 'n asemrowende uitsig oor die lowerryke omgewing. Veilige parkeerplek is beskikbaar.

Gaste kan by die landgoed se gemeenskaplike swembaddens ontspan of die pragtige uitsigte geniet. San Lameer spog ook met 'n uitgestrekte lowerryke omgewing, tuine vir piekniek, 'n speelarea vir kinders. fietse te huur, 'n visdam en voëlkyk. Verder is daar ook gemeenskaplike braai-areas en voetslaanpaaie.