Sanlou

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Downingstraat 8, Southport, 4240, KwaZulu-Natal
Vanaf R2 500 per nag, vir 6 mense

Beskrywing

Sanlou is in die kusdorpie Southport aan die Suidkus geleë. Daar is ongerepte strande en winkelsentrums naby.

Dié dubbelverdiepinghuis bied slaapplek vir tot 8 gaste (maksimum 6 volwassenes) en beskik oor 4 slaapkamers, 3 badkamers en 'n oopplan-kombuis en -leefarea. Daar is 2 slaapkamers wat met dubbelbeddens ingerig is, 1 van die kamers het 'n en suite-badkamer, en daar is 1 slaapkamer met 1 kinderbed. Die vierde slaapkamer het 'n koninggrootte-bed en 'n en suite-badkamer. Dié kamer lei na 'n onderdakstoep met 'n see-uitsig. Alle kamers het waaiers. Parkeerplek word in 2 toesluitmotorhuise voorsien.

Die kombuis is volledig toegerus vir selfsorg en beskik oor 'n stoof, oond, yskas-vrieskas, ysmasjien, groot vrieskas, mikrogolf, eetgerei en breekware asook 'n skottelgoedwasser en 'n wasmasjien. Die eetarea het sitplek vir 8 mense, terwyl die eerste sitkamer 'n gemaklike sitkamerstel en 'n TV sonder DStv het.

Die leefarea lei na 'n lieflike stoeparea wat buite-stoepmeubels, 'n tafel en braaigeriewe het. Gaste kan van 'n gasbraai gebruik maak of 'n oop vuur maak. Die patio kyk uit oor die tuin. Die huis is geïnstalleer met 'n watertenk en 'n gasgeiser, in die geval van beurtkrag of watertekort. Daar is 'n Jacuzzi met 'n see-uitsig.

Die verblyf het ook 'n omskakelaar en sonpanele in geval van beurtkrag. Netflix en Prime Video is gratis.

Doendinge om in die area te geniet sluit swem, visvang, snorkel, skubaduik, skibootvaart, bootvaart, jetski, wildritte, perdry, 4x4-roetes en gholf in.

Kry ’n Kwotasie