Beskrywing

SANParks Abrahamskraal Cottage is in die Weskus Nasionale Park geleë. Dis net 'n entjie se ry vanaf Kaapstad. 'n Helderblou strandmeer vorm die park se agtergrond en steek pragtig af teen die duine, fynbos, groen vleiland en ongetemde branders. Dis ideaal vir voetslaan, fietsry, bergfietsry en voëlkyk. Die park is perfek vir natuurliefhebbers wat die omgewing wil verken of net wil ontspan.

Net agter die beskutte Saldanhabaai-hawe en 1 en 'n halfuur se ry vanaf die Kaapse middestad, tref 'n mens die lieflike Langebaan-strandmeer in die Weskus Nasionale Park aan. Dié park bied verskeie trekpleisters en is geskik vir die hele gesin. Dis die perfekte omgewing om te verken as 'n mens nader aan die natuur wil wees.

Abrahamskraal Cottage is 'n selfsorgkothuis naby die Abrahamskraal-watergat. Dié kothuis het slaapplek vir 6 en beskik oor 2 slaapkamers, 2 badkamers en 'n oopplan-kombuis, -eetarea en -leefarea. Die eerste kamer het 'n dubbelbed en 'n en suite-badkamer. Die tweede kamer het 2 enkelbeddens, 2 uittrekbeddens en 'n en suite-badkamer. Die kombuis is toegerus met 'n gasstoof en 'n gasyskas-vrieskas. Elektrisiteit in die huis word deur sonkrag voorsien. Daar is geen kragpunte vir elektriese toerusting nie. Daar is 'n kaggel in die leefarea en dit kan ook as 'n braai dien.

Die Geelbek Restaurant is langs die prentjiemooi Langebaan-strandmeer in die park. Dit bied 'n ongelooflike uitsig oor die park en strandmeer. Flaminke, ander voëlsoorte en wild is ook volop te sien. Dié Kaap-Hollandse gebou is 'n Nasionale Monument en wêreldwyd bekend vir sy unieke Afrika-atmosfeer. Dié restaurant bied 'n uitsonderlike fynproewerservaring met lipleklekker disse.